San Lucas 13:6 - Xochapa Mixteco

⁶ Ñaa xa̱á ra ndítuꞌun ra iin tuꞌun ndíchi xiꞌin na, káchi ra saa: ―Saa ndo̱ꞌo iin taa xiꞌin iin itun higo íyo tañu teꞌe uva ra íyo nuu ñuꞌú ra. Ñaa ndi̱xaꞌan ra xíto ra ndaꞌa nu án xa íyo loꞌo kiti higo ndaꞌa nu. Ta nda iin kuiꞌi köo ndi̱niꞌi ra ndaꞌa nu.

San Lucas 13:6 Iomraidhean Croise

San Lucas 13:5

Süvi ya ndaa kua. Nda ni mií ndo, ta saa kundoꞌo ndo ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo ―káchi Jesús xiꞌin na.

San Lucas 3:9

Ta ná kundaa ini ndo, chi Ndioxi ta xa íyo ndúvi ra xiꞌin yacha ya kaꞌnda ra nda tioꞌo itun köo kúun kuiꞌi vaꞌa ndaꞌa, ta kee nu koko nu nuu ñu̱ꞌu̱ ―káchi ra Juan xiꞌin na.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Filipenses 4:17

Süvi ya káꞌan i ya yóꞌó xiꞌin ndo ta kúni i chindee ndo yeꞌe, chi yeꞌe ya kúni i kua ná niꞌi ni ka ndo ya vaꞌa nuu Ndioxi xaꞌa ya vaꞌa ni ini ndo, tái ni ndo.