San Lucas 13:4 - Xochapa Mixteco

⁴ Tá kúu na xaꞌun uni ndi̱xiꞌi tá ndi̱kava torre ya Siloé, ¿án kini ni ka na ikán nuu inka na ndóo ñuu Jerusalén túvi ndo?

San Lucas 13:4 Iomraidhean Croise

San Mateo 18:24

Tá xa̱á ra rey ikán xáa súvi ra kuenta xiꞌin na xáa chiñu nuu ra, ta saa ndáka na iin ra xáa chiñu nuu ra ndi̱xaa ra, ta yáꞌa ni kuaꞌa ku ya níka ra ikán, kúu ya nda uxi mil xuꞌun ya náni talento.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Lucas 11:4

Saa xaa kaꞌnu ini un xaꞌa kuachi nde, saa chi saa tu ndee va xáa kaꞌnu ini nde xaꞌa kuachi na íkan ya väꞌa xiꞌin nde. Täxi un ndikava nde ndaꞌa ya väꞌa, chindee un ndeꞌe nuu ya väꞌa, kachi ndo xiꞌin ra ―káchi Jesús xiꞌin nda.

San Lucas 13:3

Süvi ya ndaa kua. Nda ni mií ndo ta saa kundoꞌo tu ndóꞌo̱ va ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo.

San Lucas 13:5

Süvi ya ndaa kua. Nda ni mií ndo, ta saa kundoꞌo ndo ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo ―káchi Jesús xiꞌin na.

San Juan 9:11

Saa ndi̱kuiin ra, káꞌan ra: ―Taa ra náni Jesús ku ra si̱kuaꞌa ndaꞌi ta ndi̱yakun ra ya nuu i, saa ndi̱kaꞌan ra xiꞌin i, káchi ra saa: “Kuáꞌan nuu ñúꞌu tikuii Siloé ndi̱kata un nuu un”, káchi ra xiꞌin i. Saa ke̱e i ndi̱xaꞌan i, tá ndi̱kata soꞌva i nuu i ta ndikun ndi̱xuna ya ―káchi ra xiꞌin na.

San Juan 9:7

Saa ndi̱kaꞌan Jesús xiꞌin ra káchi ra saa: ―Kuáꞌan ndikata un nuu un ini ñaꞌa nuu ñúꞌu tikuii Siloé ―káchi ra. (Ta tuꞌun Siloé kúni kachi ya: Taa ra ti̱ꞌvi ra kuaꞌan.) Saa ke̱e ra ikán ndi̱xaꞌan ra ndi̱kata ra nuu ra, tá ndi̱ko koo ra ta xa ndi̱kuna nuu ra, vaꞌa xíto ra.

Los Hechos 28:4

Saa tá xi̱ni sava mií na ñuu ikán ya tíin ri ndaꞌa ra, ñaa xa̱á na káꞌan na xiꞌin taꞌan na, káchi na saa: ―Süvi ra vaꞌa ku ra yóꞌó, ra xáꞌni ndìì ku ra, vani ndi̱kaku ra ini nduta ñûꞌu ta köo táxi ndioxi yo kutaku ra ―káchi na.