San Lucas 13:2 - Xochapa Mixteco

² Saa ndi̱kuiin Jesús káꞌan ra xiꞌin na, káchi ra saa: ―¿Ta unkua ndíkani ini ndóꞌo̱? ¿Án ndo̱ꞌo na saa chi ndee ni ka kuachi na ikán nuu ndóꞌo̱, túvi ndo?

San Lucas 13:2 Iomraidhean Croise

San Lucas 13:1

Mi tiempo ikán ke̱e sava naꞌa kuaꞌan na ndi̱xaa na nuu Jesús. Saa xa̱á na káꞌan na xiꞌin ra, káchi na saa: ―Sava na estado Galilea ndi̱xaa na veꞌe ñuꞌu kaꞌnu ya ndíkaa ñuu Jerusalén xáꞌni na kiti sana na sóko na nuu Ndioxi. Saa ti̱ꞌvi ra gobernador Pilato nda lapa ndi̱xaꞌan nda xa̱ꞌni nda na ikán, ñaa ndikoyo nií na xiꞌin nií kiti ndi̱saka nuu rá ―káchi na ikán xiꞌin Jesús.

San Lucas 13:3

Süvi ya ndaa kua. Nda ni mií ndo ta saa kundoꞌo tu ndóꞌo̱ va ndiꞌi xaꞌa ndo tá tu köo xíin ndo ndiko koo ini ndo xaꞌa kuachi ndo.

San Lucas 13:4

Tá kúu na xaꞌun uni ndi̱xiꞌi tá ndi̱kava torre ya Siloé, ¿án kini ni ka na ikán nuu inka na ndóo ñuu Jerusalén túvi ndo?

San Juan 9:2

Saa ndi̱ndakan tuꞌun ñaꞌa nda ítaꞌan xiꞌin ra, káchi nda saa: ―Tata Maestro, ¿unku na kúu mií kuachi yakan ka̱ku kuáa̱ ra yóꞌó? ¿Án xaꞌa kuachi iva siꞌí ra kua, án xaꞌa kuachi mií ra kua? ―káchi nda.

Los Hechos 28:4

Saa tá xi̱ni sava mií na ñuu ikán ya tíin ri ndaꞌa ra, ñaa xa̱á na káꞌan na xiꞌin taꞌan na, káchi na saa: ―Süvi ra vaꞌa ku ra yóꞌó, ra xáꞌni ndìì ku ra, vani ndi̱kaku ra ini nduta ñûꞌu ta köo táxi ndioxi yo kutaku ra ―káchi na.