San Lucas 13:16 - Xochapa Mixteco

¹⁶ Ta saa íkan i xiꞌin yá yóꞌó, chi seꞌe sikua ra Abraham ku yá ta xa ndi̱xinu xaꞌun uni kuiya kúu mií yá tachi nduvaꞌa. ¿Án chïndee yo yá ndaxin yá kivi ndíkundee yo? ―káchi ra xiꞌin nda.

San Lucas 13:16 Iomraidhean Croise

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Marcos 2:27

Saa ndi̱kaꞌan ka Jesús xiꞌin nda, káchi ra saa: ―Xaꞌa ya vaꞌa na ivi kua xa̱kin Ndioxi iin kivi ya ndikundee na, ta süvi xaꞌa ya sindoꞌo ra na kua.

San Lucas 16:24

Ñaa ndi̱ndaꞌi koꞌo ra, káchi ra saa: “¡Tata iva yo Abraham, kundaꞌvi ini un kuni un yeꞌe! Kaꞌan xiꞌin ra Lázaro ná kuꞌun ra chikaa ndaꞌa ra ini tikuii ta ná kixi ra xiꞌin rá ndiyakun ra yaa i, saa chi ndóꞌo ni ini i ndíkaa i nuu xíxi ñu̱ꞌu̱ yóꞌó”, káchi ra kuika ikán.

San Lucas 19:9

Saa ndi̱kaꞌan Jesús, káchi ra saa: ―Kivi vitin sikaku Ndioxi ra yóꞌó xiꞌin na veꞌe ra, saa chi seꞌe sikua ra Abraham ku tu ra yóꞌó va.

San Lucas 3:8

Xiꞌna ndiko koo ini ndo xaꞌa ndiꞌi kuachi ndo, ta ikan ndo ya vaꞌa xiꞌin ya ndaa, saa kixi ndo kuchi ndo, saa chi saa sinaꞌa ndo mií ndo ya ndixa kua ndi̱ko koo ini ndo kuaꞌan ndo ichí Ndioxi. Ta käꞌan tai ndo kúu ndo seꞌe sikua ra Abraham, ta kaꞌan ndo: “Xaa kaꞌnu ini Ndioxi xaꞌa kuachi nde”, kachi ndo. Saa chi Ndioxi kúu mií ra ndee ya kuchiñu ra ndisama ra yu̱ú yóꞌó nduu ya naꞌa, ta seꞌe sikua ra Abraham nduu na.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Los Hechos 13:26

―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.

2 Timoteo 2:26

Ta saa kuchiñu na kaku na, saña na ndaꞌa kiti nǎꞌa, chi xa si̱kuikun ri na, ta tá íyo na ñúꞌu veꞌe kàà saa íyo na ñúꞌu na ndaꞌa ri, xáa súvi na ya kúni ri.