San Lucas 13:11 - Xochapa Mixteco

¹¹ Saa ndíkaa iin yá kúꞌvi ini veꞌe ñuꞌu ikán. Xa ndi̱xinu xaꞌun uni kuiya kúu mií yá tachi nduvaꞌa. Ta xa̱a toso ñaꞌa ya, ni köo kúvi ka ndundaku sata yá.

San Lucas 13:11 Iomraidhean Croise

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Marcos 9:21

Saa ndi̱ndakan tuꞌun Jesús iva ra loꞌo ikán, káchi ra saa: ―¿Maa vi kua xa̱á ndóꞌo ra saa? ―káchi ra xiꞌin ra. Saa ndi̱kuiin iva ra káꞌan ra: ―Tá loꞌo vi ra xa̱á ndóꞌo ra saa.

San Lucas 13:12

Tá xi̱ni Jesús yá, ta saa ka̱na ra yá ndi̱kaꞌan ra xiꞌin yá, káchi ra saa: ―Nana, xa ndu̱vaꞌa un xiꞌin kueꞌe ya ndóꞌo un, xa ndi̱saña un ndaꞌa ya ―káchi ra xiꞌin yá.

San Lucas 13:16

Ta saa íkan i xiꞌin yá yóꞌó, chi seꞌe sikua ra Abraham ku yá ta xa ndi̱xinu xaꞌun uni kuiya kúu mií yá tachi nduvaꞌa. ¿Án chïndee yo yá ndaxin yá kivi ndíkundee yo? ―káchi ra xiꞌin nda.

San Lucas 21:28

Tá xa̱á kúu ndiꞌi ya ndi̱kaꞌan i xiꞌin ndo ta kusini ndo ndikundita ndaku ndo ta ndaniꞌi xíni ndo chi xa ku̱yati ni tindaa kivi ya kixi i chindee i ndóꞌo̱ ta nda iin ka ya ndöꞌo ndo ―káchi Jesús xiꞌin na.

San Lucas 8:2

Ta saa kuaꞌan ka sava ná ñaꞌa xiꞌin ra. Ta sava ná ndee ni ndo̱ꞌo ná ta si̱ndaꞌa ra ná, ta sava ná ku̱u mií tachi kiti nǎꞌa ta ta̱va ra ri mií ná. Uxa nuu tachi nduvaꞌa ku̱u mií iin yá náni María yá ñuu Magdala,

San Lucas 8:27

Saa ke̱ta Jesús ini nu, ñaa ndi̱taꞌan ra iin ra kúu mií tachi nduvaꞌa, tachi kiti nǎꞌa. Ta xa naꞌa ni kúu mií ra tachi nduvaꞌa xíka chala ra, ni köo tikoto ndíxi ra, ta ni köo íyo ra veꞌe, nina kava nuu ndúxin ndìì ndi̱xiyo ra.

San Lucas 8:43

Tañu na kuaꞌan xiꞌin ra ikán, kuaꞌan iin yá ñaꞌa ndee ni ndóꞌo yá xa ndi̱xinu uxi uvi kuiya xíta ni̱í yá, ta xa kuaꞌa ka vi ichí ndi̱xaꞌan yá nuu na xáa tatan, ta nda iin na köo ndi̱kuchiñu sindaꞌa ñaꞌa, saa ndi̱ꞌi xuꞌun yá.

Los Hechos 3:2

Ñaa ndi̱xaa nda yeꞌe ñuꞌu ta xi̱ni nda índuꞌu iin ra ndákan, küvi kaka ra. Saa káa ra tá ka̱ku ra. Ta ndiꞌi kivi xáꞌan na taꞌan ra ndáka ñaꞌa na mií yeꞌe ñuꞌu nuu íin yeꞌe ya náni Yeꞌe Luvi. Ikán chínduꞌu na ra ndákan ra xuꞌun nuu na xáa veꞌe ñuꞌu.

Los Hechos 4:22

Ta xa yáꞌa uvi xiko kuiya ra taa, ra si̱ndaꞌa nda xiꞌin yatuꞌun Ndioxi.