San Lucas 12:9 - Xochapa Mixteco

⁹ Sundi ndá na kúkaꞌan nuu xíni na yeꞌe nuu naꞌa, ta saa tu yeꞌe va kukaꞌan nuu i kuni i na nuu tatun Ndioxi.

San Lucas 12:9 Iomraidhean Croise

San Mateo 10:33

Ta ndiꞌi na kúkaꞌan nuu xaꞌa ya ndíkun na yeꞌe, ta saa tu yeꞌe va, kukaꞌan nuu i kuni i na nuu Iva i Ndioxi ra íyo nuu ndivi ―káchi Jesús.

San Mateo 25:12

Saa ndi̱kuiin ra tíndaꞌa ikán, káꞌan ra xiꞌin ná, káchi ra saa: “Ya ndaa káꞌan i xiꞌin ndo, köo xíni i ndóꞌo̱”, káchi ra xiꞌin ná. Saa ndi̱ꞌi tuꞌun ndíchi loꞌo yóꞌó ―káchi Jesús.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 7:23

Ta yeꞌe ndikuiin i kaꞌan i xiꞌin na, kachi i saa: “Nda iin ichí köo ndóꞌo̱ ndi̱xini i, kuátaꞌa ndo nuu i, saa chi süvi ndóꞌo̱ vaꞌa ku ndo”, kachi i xiꞌin na ―káchi Jesús xiꞌin na.

San Marcos 8:38

Saa tu na ndíkuáa yeꞌe va, tá tu ndíkuáa na tuꞌun i nuu na ñuu ivi kuachi yóꞌó, ta saa ndikuaa tu yeꞌe, ra xa̱a ñuu ivi yóꞌó va na. Chi tá ná ndiko koo i, ta iin yeyeꞌe koo i kixi i xiꞌin ya yeꞌe Iva i Ndioxi tin na tatun ra ―káchi Jesús xiꞌin na.

San Lucas 15:10

Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.

San Lucas 22:57

Saa ndi̱kuiin ra Pedro káꞌan ra, káchi ra saa: ― Süvi ya ndaa kua, köo xíni i ra ñaa ―káchi ra xiꞌin yá.

San Lucas 9:26

Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra.

2 Timoteo 2:12

Tá tu ndee ni tindoꞌo ndóꞌo yo ñuu ivi yóꞌó, ta saa kua niꞌi yo kaꞌnda chiñu yo xiꞌin ra nuu xáꞌnda chiñu ra. Tá tu ndíkuaa yo ra, ta saa ndikuaa tu mií va ra yoo.

1 Juan 2:23

Ta ndiꞌi na ndíkuaa Jesús, ra kúu Seꞌe Ndioxi, ta kúni kachi ya ndíkuaa tu na Ndioxi va. Ta ndiꞌi na ndíkuni Jesús ya kúu ra Seꞌe Ndioxi ta ndíkuni tu na Iva yo Ndioxi va.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

El Apocalipsis 3:8

Xíni ndiꞌi i ya vaꞌa íkan ndo, xíni i ya loꞌo ni ndee kúu mií ndo, ta saa xáa súvi ni ndo ya káꞌan tuꞌun i, ta ni köo ndi̱kuaa ndo yeꞌe nuu naꞌa. Xa xu̱na i yéꞌe nuu ndo, ta nda iin naꞌa küchiñu ndikasi ya.