San Lucas 12:5 - Xochapa Mixteco

⁵ Ta vaꞌa ná kaꞌan i xiꞌin ndo ya kundaa ini ndo unku na xíniñuꞌu ndo ku íꞌvi ndo nuu: Ndioxi ku ra xíniñuꞌu ndo ku íꞌvi ndo nuu, saa chi kúu mií ra ichí kaꞌni ra ndóꞌo̱ ta saa taan ra ndóꞌo̱ ndaya. Ra ikán ku ra ku íꞌvi ndo kuni ndo ―káchi Jesús xiꞌin na.

San Lucas 12:5 Iomraidhean Croise

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Marcos 13:23

Yakan kuenta ni koo ndo. Xaꞌa ya ñaa kua xa káꞌan kuee i xiꞌin ndo vitin yachi ka tá täꞌan kuu saa ―káchi Jesús xiꞌin nda ítaꞌan xiꞌin ra.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

HEBREOS 10:31

¡Ta yáꞌa ni ndee tindoꞌo kixi nuu yo ikan Iva yo Ndioxi, ra táku, tá ná nditaꞌan ra yoo íkan yo ya väꞌa!

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

El Apocalipsis 14:7

Ta ndee ka vi káꞌan tatun ikán, káchi ya saa: ―Ku iꞌvi ndo nuu Ndioxi ta xaa toꞌo ni ndo ra, ta saa xaa kaꞌnu ndo ra, chi xa ti̱ndaa kivi ya xaa nani ra kuachi xiꞌin ndiꞌi naꞌa. Xaa kaꞌnu ndo ra chi mií ra si̱kuaꞌa ñuu ivi yóꞌó, xiꞌin ndivi tin ñuꞌú xiꞌin nduta ñûꞌu xiꞌin ndiꞌi ka ñaꞌñu nuu kána tikuii.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 20:14

Saa ti̱in tatun Ndioxi ndee ya xáꞌni naꞌa ta ti̱in ya inka ya náni Hades ki̱ꞌin ñaꞌa ya ta̱an ya ini yavi nuu ndee ni xíxi ñu̱ꞌu̱. Chi ikán ku nuu xíꞌi na ichí uvi.