San Lucas 11:2 - Xochapa Mixteco

² Saa ndi̱kuiin Jesús káꞌan ra: ―Tá káꞌan ndo xiꞌin Ndioxi ta soꞌva kaꞌan ndo xiꞌin ra: Tata, Iva yo Ndioxi, ra íyo nuu ndivi, ná xaa toꞌo ni na ivi kivi un. Ta ná kixi un kaꞌnda chiñu un ñuu ivi yóꞌó. Tá kúꞌva xáꞌnda chiñu un nuu ndivi saa ná koo ya ikan un ñuu ivi yóꞌó.

San Lucas 11:2 Iomraidhean Croise

San Mateo 10:32

Saa ndi̱kaꞌan tuku Jesús, káchi ra saa: ―Ndiꞌi na köo kúkaꞌan nuu xaꞌa ya ndíkun na yeꞌe, ni yeꞌe ta kükaꞌan nuu i ndikuiin i xaꞌa na nuu Iva i Ndioxi, ra íyo nuu ndivi.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Lucas 11:1

Iin kivi ke̱e Jesús kuaꞌan ra kaꞌan ra xiꞌin Ndioxi. Tá si̱ndiꞌi ra ndi̱kaꞌan ra xiꞌin ra, ta ku̱yati iin ra ítaꞌan xiꞌin ra, káchi ra saa: ―Tata, sinaꞌa loꞌo un ndeꞌe ná kaꞌan nde xiꞌin Ndioxi, tá i̱kan ra Juan ra síkuchi naꞌa, si̱naꞌa ra nda ítaꞌan xiꞌin ra ndá kuꞌva kaꞌan nda xiꞌin Ndioxi ―káchi ra xiꞌin Jesús.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

1 Corintios 1:3

Ta ndiꞌi saa kivi ná taxi ni ra ya vaꞌa ndaꞌa ndo, koo vaꞌa ni ndo xiꞌin ya vaꞌa, ya ndi̱niꞌi uun ndo nuu Iva yo Ndioxi xiꞌin Tata yo Jesucristo, kúꞌvi ni ini ra xíni ra ndóꞌo̱.

2 Corintios 1:2

Ta ndiꞌi saa kivi ná niꞌi ni ndo ya vaꞌa nuu Iva yo Ndioxi xiꞌin Tata yo Jesucristo, saa ná koo vaꞌa ni ini ndo.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

Efesios 1:2

Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ni ra ya vaꞌa koo ya ini ndo, ta saa ná koo vaꞌa ni ini ndo.

Filipenses 1:2

Ta mií Iva yo Ndioxi xiꞌin Tata yo Jesucristo ná chikaa ni ya vaꞌa ndóꞌo̱ saa ná taxi ra koo vaꞌa ni ini ndo.

Filipenses 4:20

¡Ná xaa kaꞌnu ni yo Ndioxi, ta saa ná chinuu sukun ni yo ya toꞌo ra ndiꞌi saa kivi ya vaxi! Saa ná koo.

Colosenses 1:2

xaa ya nuu ndóꞌo̱, na i̱í, na kúu ñuu Ndioxi, na ndinuꞌu ni ndíkun Tata yo Jesucristo, na ndóo ñuu Colosas. Saa ná ikan ni ra ya vaꞌa xiꞌin ndo ná taxi ni ra koo vaꞌa ni ini ndo.

1 Tesalonicenses 1:1

Yeꞌe Pablo xiꞌin ra Silvano tin ra Timoteo ku nde tíꞌvi tutu yóꞌó xaa ya ndaꞌa ndiꞌi ndóꞌo̱ ñani yo xiꞌin kuꞌva yo, na veꞌe ñuꞌu ndóo ñuu Tesalónica. Káꞌan ndioxi nde xiꞌin ndiꞌi ndo. Ta mií Iva yo Ndioxi xiꞌin Tata yo Jesucristo ná ikan ni ya vaꞌa xiꞌin ndo, saa ná taxi ra koo vaꞌa ni ini ndo.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 19:6

Saa xi̱ni soꞌo i síso ni káꞌan kuaꞌa ni naꞌa, tá kuꞌva kái kóyo kuaꞌa ni tikuii nami saa kúu, ta saa kúu tu tá ndee ni ndáꞌi savi, saa kúu xi̱ni soꞌo i, ta káꞌan na, káchi na saa: ¡Ná xaa kaꞌnu ndiꞌi yo Ndioxi ra ndee ni ndee kúu mií nuu yo! Chi vitin xa̱á ra xáꞌnda chiñu ra.

El Apocalipsis 20:4

Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.