San Lucas 11:13 - Xochapa Mixteco

¹³ Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

San Lucas 11:13 Iomraidhean Croise

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Mateo 5:45

Ikan ndo ya vaꞌa xiꞌin na, ta saa kundaa ini naꞌa ya ndixa kúu ndo seꞌe Ndioxi, ra íyo nuu ndivi. Chi saa mií ra íkan ra ya vaꞌa xiꞌin ndiꞌi naꞌa, táxi ra ndíyeꞌe ñu̱ꞌu̱ nuu na väꞌa xiꞌin na vaꞌa, saa ni síkuun ra savi sata na vaꞌa xiꞌin na väꞌa.

San Mateo 6:14

Saa káꞌan ka ra xiꞌin na, káchi ra saa: ―Saa chi tá xáa kaꞌnu ini ndo xaꞌa kuachi ya íkan inka na xiꞌin ndo. Ta saa Iva yo Ndioxi ra íyo nuu ndivi xáa kaꞌnu ini ra xaꞌa kuachi ndo.

San Mateo 6:30

Ni loꞌo ni kivi táku ita vali, chi iin kivi xáa ya, ta inka kivi ndáꞌva ndiꞌi ya. Saa táan na ya ini xitun xíxi ya, ta Ndioxi ndáa ra ya ta luvi ni síkundixi ra ya. Ta saa ndáa ra ndóꞌo̱ chi ndáa yaꞌvi ni ka ndóꞌo̱ nuu ita ikán. ¿Ta ndachu loꞌo ni kándixa ndo Ndioxi ya kundaa ra ndóꞌo̱?

San Mateo 6:32

Naꞌa, na köo xíni Ndioxi ku na ndíꞌi ni ini xaꞌa taꞌan ñaꞌa yóꞌó. Ta ndóꞌo̱, ta kündiꞌi ini ndo xaꞌa ya yóꞌó. Saa chi Iva ndo ra íyo nuu ndivi ta xa xíni ra unkua xíniñuꞌu ndo.

San Mateo 7:11

Va ni ndóꞌo̱ ivi kuachi ku ndo, ta xíni ndo taxi ndo ñaꞌa vaꞌa ndaꞌa seꞌe ndo. Ta ndisaa ka vi Iva yo Ndioxi ra íyo nuu ndivi, taxi ra ya vaꞌa ndaꞌa na ndúku ñaꞌa nuu ra.

San Lucas 11:12

Án köo tu tá ndúku na ndivi nuu ndo kaxi na, ta ¿án táxi ndo kiti tisoꞌma ndaꞌa na kaxi na?

San Lucas 11:2

Saa ndi̱kuiin Jesús káꞌan ra: ―Tá káꞌan ndo xiꞌin Ndioxi ta soꞌva kaꞌan ndo xiꞌin ra: Tata, Iva yo Ndioxi, ra íyo nuu ndivi, ná xaa toꞌo ni na ivi kivi un. Ta ná kixi un kaꞌnda chiñu un ñuu ivi yóꞌó. Tá kúꞌva xáꞌnda chiñu un nuu ndivi saa ná koo ya ikan un ñuu ivi yóꞌó.

San Lucas 18:7

Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na?

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

ROMANOS 5:17

Xaꞌa kuachi iindaa taa, ra núnuu ku nuu xa̱á xáꞌnda chiñu ndìì ya xáꞌni ndiꞌi naꞌa. Sundi ndiꞌi naꞌa, na ndíkuiso ya vaꞌa ta̱xi Ndioxi ndaꞌa na, ta kutaku na tin kaꞌnda chiñu na xiꞌin ra. Chi iindaa mií taa, ra kúu Jesucristo ku ra táxi kutaku yo, saa nda̱sa ra yoo ndu̱u yo tá íin naꞌa, na köo ka kuachi kúu mií nuu ra.

ROMANOS 7:18

Xa kúndaa va ini i, chi köo mií ya vaꞌa íyo vi ikin kuñu i, xaꞌa ya kúu i ra ñuu ivi yóꞌó. Saa chi ya vaꞌa ku ya kúni i ikan va i, sundi köo mií ndee ikin kuñu i ya ikan ya vaꞌa.

ROMANOS 8:32

Chi Ndioxi ta yáꞌa ni vaꞌa ini ra, nda ta̱xi ra Seꞌe ra, ra iindaa mituꞌun nuu ra, ta ndi̱xiꞌi ra xaꞌa kuachi ndiꞌi yo. Ta köo ndíkuxiꞌnda ñaꞌa ra, ta maa täxi vi ra ñaꞌa ya xíniñuꞌu yo ndaꞌa yo.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.