San Lucas 11:1 - Xochapa Mixteco

¹ Iin kivi ke̱e Jesús kuaꞌan ra kaꞌan ra xiꞌin Ndioxi. Tá si̱ndiꞌi ra ndi̱kaꞌan ra xiꞌin ra, ta ku̱yati iin ra ítaꞌan xiꞌin ra, káchi ra saa: ―Tata, sinaꞌa loꞌo un ndeꞌe ná kaꞌan nde xiꞌin Ndioxi, tá i̱kan ra Juan ra síkuchi naꞌa, si̱naꞌa ra nda ítaꞌan xiꞌin ra ndá kuꞌva kaꞌan nda xiꞌin Ndioxi ―káchi ra xiꞌin Jesús.

San Lucas 11:1 Iomraidhean Croise

San Lucas 10:42

Sundi íyo iindaa chiñu ya xíniñuꞌu ni un ikan un. Yá María kuꞌvi un, ta ndee ni ka vaꞌa ya ndi̱kaxin yá yóꞌó, ta nda iin naꞌa küchiñu kindaa ya ndaꞌa yá ―káchi Jesús xiꞌin yá Marta.

San Lucas 11:2

Saa ndi̱kuiin Jesús káꞌan ra: ―Tá káꞌan ndo xiꞌin Ndioxi ta soꞌva kaꞌan ndo xiꞌin ra: Tata, Iva yo Ndioxi, ra íyo nuu ndivi, ná xaa toꞌo ni na ivi kivi un. Ta ná kixi un kaꞌnda chiñu un ñuu ivi yóꞌó. Tá kúꞌva xáꞌnda chiñu un nuu ndivi saa ná koo ya ikan un ñuu ivi yóꞌó.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

San Lucas 7:19

ti̱ꞌvi ra nda kuaꞌan nda kaꞌan nda tuꞌun yóꞌó xiꞌin Jesús, káchi ra saa: “¿Án yóꞌo̱ ku ra íyo tuꞌun xaꞌa ke̱e nuu Ndioxi vaxi ñuu ivi yóꞌó, án xíniñuꞌu ka nde kundatun nde inka ra? kachi ndo xiꞌin ra”, káchi ra Juan xiꞌin tuꞌun kuaꞌan nuu Jesús.

San Lucas 9:18

Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa: ―¿Unku yeꞌe, káchi naꞌa xaꞌa i? ―káchi ra xiꞌin nda.

San Lucas 9:28

Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.