San Lucas 10:7 - Xochapa Mixteco

⁷ Tá ndi̱kiꞌin vaꞌa na ndóꞌo̱, ta kundoo ndo veꞌe na ñuu nuu ndi̱xaa ndo ikán. Ta vaꞌa kuxi ndo tin koꞌo ndo ndiꞌi ñaꞌa ya táxi na ndaꞌa ndo. Chi ndiꞌi na xáa chiñu ta kúu mií na ichí kiꞌin yaꞌvi na. Ta küniꞌni ndo kaka ndo tutuku veꞌe.

San Lucas 10:7 Iomraidhean Croise

San Marcos 6:10

Saa ndi̱kaꞌan ka ra xiꞌin nda, káchi ra saa: ―Tá ndá veꞌe ndi̱xaa ndo, ta vaꞌa ndoo ndo koo ndo xiꞌin na ikán nda kivi ná kee ndo ñuu na.

San Lucas 10:6

Chi tá íyo na kaꞌnu ini, ta koo vaꞌa ka ini na xiꞌin ya vaꞌa ndíso ndóꞌo̱. Sundi tá tu köo kaꞌnu ini na, ta tuꞌun vaꞌa ya ndi̱kaꞌan ndo xiꞌin na ndöꞌo ya xiꞌin na, ndiko koo ya kuꞌun ya xiꞌin ndo.

San Lucas 9:4

Tá ndá ñuu ndi̱xaa ndo káꞌan na xiꞌin ndo kiꞌvi ndo koo ndo veꞌe na, ta vaꞌa kiꞌvi ndo koo ndo veꞌe na, nda kivi ná kee ndo ñuu na.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

Los Hechos 16:34

Sindiꞌi ndi̱kuiso ra nda ndi̱xaa nda xíxi nda veꞌe ra, ta kúsini ka vi ra, saa tu na veꞌe va ra. Kúsini ni na xaꞌa ya ndi̱kundikun na Ndioxi.

Los Hechos 16:40

Saa tá ke̱e nda veꞌe kàà ta ndi̱xaꞌan nda veꞌe yá Lidia yá íyo mi ñuu ikán. Ta ikán ndi̱kitaꞌan ndiꞌi na ndíkun Jesús ndóo na. Ñaa ndi̱kaꞌan nda xiꞌin na ndi̱xaꞌa ka nda ndee xiꞌin na. Saa ka̱na koo nda kuaꞌan nda.

Gálatas 6:6

Ta naꞌa, na síkuaꞌa xiꞌin iin ra maestro, sínaꞌa ra na xaꞌa tuꞌun Ndioxi, ta xíniñuꞌu na chindee taꞌan na xiꞌin ra xiꞌin ndiꞌi ndá ka ñaꞌa vaꞌa kúu mií na.

1 Timoteo 5:13

Ta süvi ndisaa ya ñaa kua ikan ná, chi kuni xúxan ná ta xaá ná kaka ná tá veꞌe, tá veꞌe. Ta süvi ndisaa ya xúxan kuni ná, ìyo ni kutoo ná kaka ná ndituꞌun vata ná, ta xáa ná kiꞌvi ná xiꞌin naꞌa, kaꞌan ná ya íin ya köo.

2 Timoteo 2:6

Ta saa tu iin taa ra chíꞌi ndá ka ñaꞌa, xiꞌna xíniñuꞌu ra xaa chiñu ra nuu ñuꞌú ra, saa kua vaꞌa kana ñaꞌa ndikuiso ra.