San Lucas 10:41 - Xochapa Mixteco

⁴¹ Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 10:41 Iomraidhean Croise

San Marcos 4:19

sundi ndíꞌi ni ini na xaꞌa chiñu íyo ñuu ivi yóꞌó saa xáa na xáa chiñu ni na ya kúni na kuu mií na kuaꞌa ni ya kuika ñuu ivi yóꞌó, ñaa síndiꞌi xaꞌa ya tuꞌun Ndioxi íyo nima na.

San Lucas 10:38

Saa ke̱e Jesús kuaꞌan ra xiꞌin nda ítaꞌan xiꞌin ra, ndi̱xaa ra iin ñuu loꞌo. Ta ikán ke̱ta iin yá náni Marta ndi̱kiꞌin yá ra kuaꞌan ra xiꞌin yá veꞌe yá.

San Lucas 10:40

Saa íyo ni chiñu nuu yá Marta, ndíꞌi ni ini yá xáa chiñu yá. Ñaa ku̱yati yá nuu Jesús káꞌan yá xiꞌin ra, káchi yá saa: ―Tata, ¿án köo ndíꞌi ini un xiꞌin i xáa chiñu ni i? Án väꞌa ná kaꞌan loꞌo un xiꞌin yá María kuꞌvi i, chindee taꞌan loꞌo yá xiꞌin i chi si̱ndoo yaa yá chiñu ndaꞌa i, ta ndi̱kunduꞌu yá xíni soꞌo yá tuꞌun káꞌan un? ―káchi yá xiꞌin ra.

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 8:14

Ta siꞌva ri ndi̱koyo nuu iñú ku na xíni soꞌo tuꞌun Ndioxi, ta saa loloꞌo vaxi ya síndiꞌi ini na, án ndíꞌi ini na xíka ini na xaꞌa ya kuika, án táa ini na íkan na ya kúsini na, ta köo íkan ka na ya vaꞌa tá íin itun táxi kuiꞌi vaꞌa.

San Juan 11:1

Ta ñuu Betania ndi̱xiyo iin ra nani Lázaro, saa ki̱ꞌin kueꞌe ra ndée ni ndóꞌo ra. Ta kuꞌva yá María xiꞌin yá Marta ku ra.

San Juan 11:5

Ta kúꞌvi ni ini Jesús xíni ra yá Marta xiꞌin kuꞌvi yá tin ra Lázaro kuꞌva yá.

San Juan 12:2

Saa ndi̱xaa Jesús veꞌe ikán nuu xa̱a vií na kuxini ra, ta yá Marta kua chíkaa ñaꞌa kuxi nda, ta índuꞌu ra Lázaro nuu mesa xiꞌin Jesús, saa ndóo ka inka nda.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.