San Lucas 10:34 - Xochapa Mixteco

³⁴ Saa ku̱yati ra nuu ra xa̱a tatan ñaꞌa ra, ki̱ꞌin ra ceite tin vinu ndi̱yakun ra nuu ti̱kueꞌe ra ikán. Saa ka̱tun ra tikoto ndiꞌi nuu ti̱kueꞌe ra. Sindiꞌi ikán ta ndi̱kiꞌin ñaꞌa ra si̱ndaa ra sata kiti sana ra, ñaa ndi̱kiꞌin ñaꞌa ra kuaꞌan ra xiꞌin ra veꞌe nuu kíxi na yáꞌa ichí ikán, saa xi̱ndaa ñaꞌa ra.

San Lucas 10:34 Iomraidhean Croise

San Marcos 14:8

Ta yá yóꞌó i̱kan yá ya vaꞌa xiꞌin i nda nuu xíto yá kéta ndaꞌa yá. Vaꞌa ni ya i̱kan yá xiꞌin i, chi ndi̱koyo ndee yá nduta tami xáꞌan xiní i, xa̱a ndúvi yá xiꞌin i ya kuꞌun i nduxin i.

San Lucas 10:33

Saa ku̱u ta ndi̱yaꞌa tu iin ra ke̱e chí estado Samaria va, ndi̱yaꞌa ra nuu índuꞌu ra ti̱kueꞌe ikán. Ñaa ku̱ndaꞌvi ni ini ra xi̱ni ñaꞌa ra.

San Lucas 10:35

Ñaa ndi̱tuvi inka kivi ta̱va ra uvi xuꞌun ya denario ta̱xi ra ndaꞌa ra xíin veꞌe nuu chi̱nduꞌu ñaꞌa ra. Ta saa ndi̱kaꞌan ra xiꞌin ra, káchi ra saa: “Kundaa loꞌo un ra yóꞌó, ná ndoo loꞌo ra veꞌe un. Tá tu ti̱in un xuꞌun un xiꞌin ra ná ndiko koo i ta chaꞌvi i yóꞌo̱”, káchi ra. Soꞌva káchi tuꞌun ndíchi yóꞌó ―káchi Jesús xiꞌin ra sínaꞌa ya ta̱a ra Moisés.

San Lucas 2:7

Ta köo ndi̱niꞌi na veꞌe nuu kundoo na, saa chi xa chútu ni veꞌe nuu kíxi na xíka ichí, yakan ndá nuu kíxi kiti ndi̱xaꞌan na ndi̱kixi na, ta ikán ka̱ku ya loꞌo seꞌe yá ra núnu̱ú, taa loꞌo ku ra ka̱ku, saa su̱vi yá ra xiꞌin iin tikoto ta chi̱nduꞌu yá ra kíxi ra nuu ñúꞌu ñaꞌa xíxi kiti.

ROMANOS 12:20

Ta saa káꞌan tuku Ndioxi, káchi ra: “Tá tu kúni kuxi naꞌa, na sáa ini xíni ndóꞌo̱, ta vaꞌa taxi ndo kuxi na. Tá tu íchi na tikuii, ta vaꞌa taxi ndo tikuii koꞌo na”. Chi tá íkan ndo saa xiꞌin na, ta tá íin ñu̱ꞌu̱ yěꞌé saa íin ya síkoyo ndo xiní na, án táxi ndo kúkaꞌan nuu na.

1 Tesalonicenses 5:15

Kuenta koo ndo, sïndiko koo ndo ya väꞌa nuu taꞌan ndo. Ndisaa ya vaꞌa ikan ndo xiꞌin taꞌan ndo, saa ikan ndo xiꞌin ndiꞌi naꞌa.