San Lucas 10:26 - Xochapa Mixteco

²⁶ Ñaa ndi̱kuiin Jesús ndi̱kaꞌan ra xiꞌin ra, káchi ra saa: ―¿Unkua káꞌan ley Ndioxi ya ta̱a ra Moisés xinaꞌa tá káꞌvi ndo ya? ―káchi ra xiꞌin ra.

San Lucas 10:26 Iomraidhean Croise

San Lucas 10:25

Ta saa ke̱e iin ra sínaꞌa ley Ndioxi ya ta̱a ra Moisés, kuaꞌan ra koto ndoso ra Jesús, ndi̱ndakan tuꞌun ñaꞌa ra, káchi ra saa: ―Tata Maestro, kúni i ndakan tuꞌun i yóꞌo̱, ¿unkua vaꞌa ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin ra.

San Lucas 10:27

Saa ndi̱kuiin ra ikán káꞌan ra saa: ―Soꞌva káchi ya: “Ná kuꞌvi ini yo kuni yo Ndioxi xiꞌin ndinuꞌu nima yo tin ya vaꞌa yo xiꞌin ndiꞌi ndee yo xiꞌin ya ndíkani ini yo. Ta saa ná kuꞌvi ini yo kuni yo na taꞌan yo tá kuꞌva kúꞌvi ini yo xíni xiꞌin mií yo”. Soꞌva káchi ya ta̱a ra Moisés ―káchi ra ikán xiꞌin Jesús.

ROMANOS 10:5

Ta saa ley Ndioxi ya ta̱a ra Moisés xinaꞌa káꞌan ya ndá kuꞌva kua nduu na, na vaꞌa na ka köo kuachi kúu mií nuu Ndioxi, káchi ya saa: “Naꞌa na kúchiñu xáa súvi ley Ndioxi, na ikán ku na kuchiñu nduu naꞌa, na vaꞌa, na köo ka kuachi ku mií nuu Ndioxi, tá tu xáa suvi na ya”, káchi ley Ndioxi.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.