San Lucas 10:2 - Xochapa Mixteco

² Ñaa ndi̱kaꞌan ra xiꞌin nda, káchi ra saa: ―Ya ndixa kua íyo ni naꞌa, na kúmani kuni soꞌo tuꞌun Ndioxi. Tá íyo i̱tu̱n ya xa vaꞌa sikee yo, saa íyo na. Yakan kua xíniñuꞌu ndo kuaku ndaꞌvi ndo nuu Ndioxi ya ná tiꞌvi ka ra naꞌa ya chindee taꞌan na xiꞌin ndo ya sikee ndo ñaꞌa.

San Lucas 10:2 Iomraidhean Croise

San Mateo 20:1

Saa ndi̱kaꞌan Jesús iin tuꞌun ndíchi ya sínaꞌa ra na, káchi ra: ―Tá káa iin ra kúu mií ñuꞌú, saa íyo ichí nuu xáꞌnda chiñu Ndioxi. Saa ku̱u iin kivi ke̱ta ra veꞌe ra, xitaan ke̱e ra kuaꞌan ra nduku ra naꞌa xaa chiñu nuu ñuꞌú ra, nuu ndi̱taan ra yoꞌó kiti uva.

San Marcos 13:34

Tá íkan iin taa ra ke̱ta kuaꞌan kani inka ñuu saa íkan i xiꞌin ndo. Ra ikán ta káꞌan ra xiꞌin moso ya ná kundaa vaꞌa na veꞌe ra. Táxi ndiꞌi ra chiñu ndaꞌa iin iin na xáa chiñu nuu ra, saa xa̱ꞌnda ra chiñu nuu ra ndáa yeꞌe ra ya ná küsun ra, ná kundito ni ra.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

San Marcos 16:20

Saa ka̱na koo nda xi̱taꞌan xiꞌin Jesús xa̱á nda káꞌan ndoso nda tuꞌun vaꞌa ndá kuꞌva sikaku Ndioxi naꞌa. Ndiꞌi ni kúu ñaꞌñu xíka nda káꞌan ndoso nda tuꞌun ra. Ta íyo Tata yo chíndee ra nda, táxi ra íkan nda yatuꞌun nuu naꞌa. Tixin ya yóꞌó sínaꞌa Ndioxi naꞌa ya ndixa ku tuꞌun ra ya ndíkani nda. Saa ná koo.

San Lucas 9:1

Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe.

Los Hechos 11:19

Tá kivi xa̱ꞌni na chiñu ra Esteban, ta saa ku nu xa̱á ndóꞌo ni na ndíkun Jesús, xaꞌa ya ikán kua ndi̱xita ndiꞌi na kuaꞌan na. Ta sava na ikán xi̱nu na kuaꞌan na chí estado Fenicia xiꞌin ñuu Chipre tin ñuu Antioquía. Ta iin iin ñuu nuu kuaꞌan na ndítuꞌun na tuꞌun vaꞌa xaꞌa Ndioxi. Ndisaa xiꞌin na judío ndítuꞌun na köo ndítuꞌun na xiꞌin inka naꞌa.

Los Hechos 13:2

Saa iin kivi ndi̱kitaꞌan ndiꞌi mií na ndíkun Jesús ndóo na xáa kaꞌnu na Ndioxi ta xíxi suꞌun na. Saa ndi̱kaꞌan Tachi I̱í Ndioxi xiꞌin na, káchi ya saa: ―Tava síin ndo ra Bernabé xiꞌin ra Saulo ya ikan nda chiñu ya ndi̱kaxin i nda ikan nda ―káchi ya xiꞌin na.

Los Hechos 13:4

Saa ti̱ꞌvi Tachi I̱í Ndioxi ra Bernabé xiꞌin ra Saulo kuaꞌan nda kaꞌan ndoso nda tuꞌun Ndioxi. Xiꞌna ñuu Seleucia ndi̱xaa nda, saa nda̱a nda tun barco kuaꞌan nda ñuu Chipre, ya ndíkaa ñuꞌú íchi maꞌñu nduta ñûꞌu.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

Los Hechos 8:4

Tá ndi̱xita na ndíkun Jesús, ka̱na koo na ñuu Jerusalen kuaꞌan na, ta ndiꞌi saa ñuu nuu kuaꞌan na ta ndítuꞌun na tuꞌun vaꞌa xaꞌa Jesús kuaꞌan na.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.

Filipenses 2:25

Ta xíka tu ini i ya xíniñuꞌu i sindiko koo i ra ñani yo, ra Epafrodito xaa ra nuu ndo. Ndee ni xa̱a chiñu ra xiꞌin i, nda tá kuꞌva íkan nda lapa ndee ni xáa chiñu nda, kuꞌva saa xa̱a chiñu ra xiꞌin i. Ta ndi̱xaꞌvi ni ndo ya ti̱ꞌvi ndo ra ki̱xi ra nuu i chi̱ndee taꞌan ra xiꞌin i, ta̱xi ra ñaꞌa ya xíniñuꞌu i ndaꞌa i.

Filipenses 2:30

Xaꞌa ya xáa chiñu ra nuu Tata yo ta siloꞌo kuvi ra, ta ni köo ndi̱kiꞌin ra kuenta xaꞌa ya. Chi̱ndee ni ra yeꞌe nuu ndo, chi ndóꞌo̱, ta köo ndi̱kuvi kixi xaꞌa ndo chindee ndo yeꞌe.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

1 Tesalonicenses 5:12

Ñani yo xiꞌin kuꞌva yo, xíkan ni nde ya mani nuu ndo ya kañuꞌu ni ndo na taꞌan yo, na chee nuu ndo, saa chi na ñaa ku na sínaꞌa ndóꞌo̱ ta ndíkani na tuꞌun Tata yo nuu ndo.

2 Tesalonicenses 3:1

Ya yóꞌó kua sindiꞌi káꞌan nde xiꞌin ndo, kaꞌan ndo xaꞌa nde xiꞌin Ndioxi ya ná kuchiñu kuita kama tuꞌun ra ndiꞌi ni kúu ñaꞌñu, ta ná ndikiꞌin vaꞌa ni na ya tá kuꞌva ndi̱kiꞌin vaꞌa ndóꞌo̱ ya.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

2 Timoteo 4:5

Sundi yóꞌo̱, ta kaxin teꞌe ni koo ini un, saa xaꞌa ndee ndiꞌi ini un xiꞌin ya tíxuꞌvi ni un xaꞌa Tata yo Jesucristo, ta ku ïꞌvi un kaꞌan ndoso un tuꞌun vaꞌa xaꞌa ra, saa vívií xaa súvi un chiñu ya ta̱xi Iva yo Ndioxi ndaꞌa un.

FILEMÓN 1:1

Yeꞌe ku ra Pablo, ra ndíkaa veꞌe kàà yóꞌó, ta xaꞌa ya káꞌan ndoso i tuꞌun vaꞌa xaꞌa Tata yo Jesucristo kua ndíkaa i yóꞌó. Ta xiꞌin ra Timoteo ñani yo kua táa i tutu yóꞌó xaa ya ndaꞌa un ñani yo Filemón, chi yóꞌo̱, ta xáa chiñu un nuu Tata yo Jesucristo tá kuꞌva xáa chiñu ndeꞌe nuu ra, ta ndee ni kúꞌvi ini nde xíni nde yóꞌo̱.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

El Apocalipsis 2:1

Saa ndi̱kaꞌan ka ra xiꞌin i, káchi ra saa: ―Vaꞌa taa un tuꞌun yóꞌó ná kuꞌun ya ndaꞌa tatun Ndioxi ya ndáa na kándixa yeꞌe, nuu ndíkitaꞌan na xáa kaꞌnu na Ndioxi ñuu Éfeso. Yeꞌe ku taa ra ndóso uxa kimi nuu ndaꞌa kuáꞌá, ta yeꞌe ku ra xíka maꞌñu candelero ya oro nuu ndóso ñu̱ꞌu̱ xíxi ya, ta káꞌan i xiꞌin ndóꞌo̱ ndóo ñuu Efeso, ndo kándixa yeꞌe, ta soꞌva káchi i xiꞌin ndo: