San Lucas 10:16 - Xochapa Mixteco

¹⁶ Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 10:16 Iomraidhean Croise

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Mateo 18:5

Ta ndiꞌi na ndíkiꞌin vaꞌa na vali xaꞌa yeꞌe, xaꞌa ya kándixa na yeꞌe, ta yeꞌe ku i ndíkiꞌin na ―káchi Jesús.

San Marcos 9:37

―Naꞌa, na ndíkiꞌin vií na vali taꞌan ra loꞌo yóꞌó xaꞌa ya kándixa na yeꞌe, ta yeꞌe kúu i ndíkiꞌin na, ta na ndíkiꞌin yeꞌe, ta süvi iindaa yeꞌe ku i ndíkiꞌin na, ndíkiꞌin tu na Ndioxi ra ti̱ꞌvi yeꞌe vaxi i ñuu ivi yóꞌó va ―káchi ra xiꞌin nda.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

San Juan 12:44

Saa nda̱niꞌi Jesús tachi ra ta ndikaꞌan ra, káchi ra saa: Na kándixa yeꞌe ta süvi ndisaa yeꞌe kándixa na, kándixa tu na Iva i, ra ti̱ꞌvi yeꞌe vaxi va i.

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

San Juan 13:20

Ya ndaa ni káꞌan i xiꞌin ndo, ndiꞌi na ndíkiꞌin vaꞌa na ti̱ꞌvi i xaa chiñu nuu i, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi ra ti̱ꞌvi yeꞌe vaxi i ―káchi ra.

Los Hechos 5:4

Ñuꞌú mií un kua ndi̱xiko un ta xuꞌun ki̱ꞌin un xaꞌa ya, xuꞌun mií un ku ndiꞌi ya. Yakan íyo ichí un ikan un ya kúni mií un, án loꞌo taxi un án kuaꞌa taxi un ndaꞌa nde, mií un xíni va xiꞌin ya. Sundi yóꞌo̱ ta súvi ndisaa ndeꞌe ndi̱sindaꞌvi un, Ndioxi ku ra kuni un sindaꞌvi un ―káchi ra Pedro xiꞌin ra Ananías.

Gálatas 4:14

Vani ndee ni ndee ndo̱ꞌo i ta si̱ndiꞌi ni i ini ndo xiꞌin kueꞌe ya ndo̱ꞌo i, ta köo ndi̱kuchitun ndo yeꞌe, ni köo ndi̱kundasi nuu ndo kuni ndo yeꞌe. Ndee ni ka va vaꞌa ndi̱kiꞌin ndo yeꞌe, nda tá kuꞌva ndíkiꞌin ndo iin tatun Ndioxi án tá kuꞌva ndíkiꞌin ndo mií Jesucristo, saa ndi̱kiꞌin ndo yeꞌe.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.