San Lucas 10:15 - Xochapa Mixteco

¹⁵ Ta ndóꞌo̱ ndóo ñuu Capernaum, ínuu vaꞌa ni tuꞌun ndo nda nuu ndivi, ta ¡ndaꞌvi ni ndo! chi nda ni̱nu̱ koyo ndo kuꞌun ndo ndaya ―káchi ra xiꞌin na.

San Lucas 10:15 Iomraidhean Croise

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 11:23

Ta ndóꞌo̱ na ñuu Capernaum, ¿Án ndíkani ini ndo ínuu vaꞌa ni tuꞌun ndo nda nuu ndivi, túvi ndo? Ndaꞌvi ni ndo chi nda kaꞌa ndaya nuu kunu ni̱nu̱ tiꞌvi Ndioxi ndóꞌo̱ kuꞌun ndo. Chi taꞌan yatuꞌun íkan i xiꞌin ndóꞌo̱ vitin, tá ndi̱xini na ñuu Sodoma ya ta xa ndi̱ko koo ini na xaꞌa ya väꞌa íkan na, ta ndïꞌi xaꞌa na táku na nda vitin, ndikuu.

San Mateo 4:13

Ta köo ndi̱ndoo ra koo ra ñuu ra Nazaret, chi ikán ke̱e ra kuaꞌan ra koo ra ñuu Capernaum ya ndíkaa yati yuꞌu nduta ñûꞌu, ñaꞌñu nuu ndóo nda seꞌe sikua ra Zabulón xiꞌin ra Neftalí.

San Lucas 13:28

Ta kuaku ni ndo ndakua kaxi nuꞌu ndo, chi kuni ndo ra Abraham xiꞌin ra Isaac tin ra Jacob xiꞌin ndiꞌi nda ndi̱kaꞌan ndoso tuꞌun yuꞌu Ndioxi xinaꞌa. Kuni ndo nda íyo nda xiꞌin Ndioxi nuu xáꞌnda chiñu ra, ta ndóꞌo̱ küchiñu ka ndo kiꞌvi ndo.

San Lucas 16:23

’Ta tíxuꞌvi ka vi ra ndíkaa ra nuu ñúꞌu na ndíi. Saa si̱kuꞌun nuu ra ndi̱koto ra, ta xi̱ni ra, ra Lázaro íyo ra xiꞌin ra Abraham.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.