San Lucas 10:11 - Xochapa Mixteco

¹¹ “Nda yaa ñuu ndo ya chi̱chi sata nduxan nde kísiniꞌni nde ya kóyo ya, ya ná kundaa ini ndo ndíso ndo kuachi chi ku̱ndasi ndo tuꞌun Ndioxi. Sundi kuni soꞌo vaꞌa ndo, kivi vitin kua ku̱yati nuu xáꞌnda chiñu Ndioxi nuu ndo”, kachi ndo xiꞌin na ―káchi ra xiꞌin nda.

San Lucas 10:11 Iomraidhean Croise

San Mateo 10:14

Tá tu köo xíin na ndikuiso na ndóꞌo̱, ta ni köo xíin na kuni soꞌo na ya káꞌan ndo, ta vaꞌa kana koo ndo veꞌe na, án ñuu na, kisi ndo yaa ya chi̱chi xaꞌa ndo, ya ná kundaa ini na ku̱ndasi na ndóꞌo̱.

San Mateo 10:7

Ta kuáꞌan ndo, kaꞌan ndoso ndo tuꞌun yóꞌó xiꞌin na, kachi ndo saa: “Xa yati ni íyo ichí vaꞌa nuu xáꞌnda chiñu Ndioxi nuu yo”, kachi ndo xiꞌin na.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Lucas 10:10

Sundi tá ndi̱xaa ndo iin ñuu köo xíin na ndi̱kiꞌin vaꞌa na ndóꞌo̱, ta kana koo ndo ichí ñuu na kaꞌan ndo xiꞌin na:

San Lucas 10:9

Tá íyo na kúꞌvi ñuu nuu ndi̱xaa ndo, ta sindaꞌa ndo na, saa kaꞌan ndo xiꞌin na: “Xa ku̱yati ichí nuu xáꞌnda chiñu Ndioxi nuu ndo”, kachi ndo xiꞌin ndiꞌi na.

San Lucas 9:5

Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.

Los Hechos 13:26

―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.

Los Hechos 13:40

Kuenta ni koo ndo, koto kundoꞌo ndo taꞌan ya ndi̱kaꞌan Ndioxi xiꞌin naꞌa tixin nda ndi̱kaꞌan ndoso tuꞌun yuꞌu ra, káchi ra saa:

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

Los Hechos 13:51

Saa ndi̱yakun nda yaa chi̱chi sata nduxan nda, ya ná kundaa ini na ndíso na kuachi xiꞌin mií na, chi ku̱ndasi na tuꞌun Ndioxi. Saa ke̱e nda ñuu Antioquía ikán ta ndi̱kiꞌin nda kuaꞌan nda ñuu Iconio.

ROMANOS 10:21

Saa ndi̱kaꞌan ka Ndioxi xiꞌin ra Isaías xaꞌa na ñuu Israel, káchi ra saa: “Iin nduvi ndaa ndi̱xiyo i tánii ndaꞌa i nuu na kixi na nuu i, ta köo ndi̱xiin na kixi na. Soꞌo ni na, köo xíin na kundikun na yeꞌe”, káchi ra Isaías.

ROMANOS 10:8

Saa chi tuꞌun Ndioxi káchi ya saa: “Yati ni íyo tuꞌun Ndioxi xiꞌin un. Yati ka vi íyo ya yuꞌu un xiꞌin nima un”, káchi tuꞌun Ndioxi ya ta̱a na xinaꞌa. Ta ya ikán ku ya káꞌan ndoso nde xaꞌa xiꞌin un vitin, ndá kuꞌva kandixa un Jesucristo ta ndikundikun un ichí ra.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.