San Lucas 1:70 - Xochapa Mixteco

⁷⁰ Tá íyo ya ndi̱kaꞌan ra tixin nda ndi̱kaꞌan ndoso tuꞌun yuꞌu ra xinaꞌa, saa íyo ya i̱kan ra, káchi ya saa:

San Lucas 1:70 Iomraidhean Croise

San Marcos 12:36

Ta suvi Tachi I̱í Ndioxi si̱kaꞌán ini xii sikua yo ra David ta̱a ra tuꞌun, káchi saa: Soꞌva káchi Iva i Ndioxi xiꞌin Tata i ra chee, káchi ra saa: “Naꞌa koo un ñaꞌñu kuáꞌá i nuu tai toꞌo yóꞌó. Yóꞌó koo un xiꞌin i ndakua ná sindiꞌi xaꞌa ndiꞌi i na sáa ini xíni yóꞌo̱, káchi Ndioxi, káchi ya ta̱a ra David xinaꞌa.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

Los Hechos 28:25

Ta köo ndi̱xiyo yuꞌu sava na xiꞌin taꞌan na xaꞌa ya káꞌan ra Pablo, ñaa vaꞌa ka ka̱na koo na kuaꞌan na. Ta saa xa̱á ra Pablo káꞌan ra, káchi ra saa: ―Ya ndixa ni kua ndi̱kaꞌan Ndioxi xaꞌa ndo xinaꞌa xiꞌin xii sikua yo, chi xinaꞌa si̱kaꞌan Tachi I̱í Ndioxi ini ra Isaías ra ndi̱kaꞌan ndoso tuꞌun yuꞌu ra, ta̱a ra tuꞌun mií Ndioxi káchi ra saa:

ROMANOS 1:2

Saa chi xa ki̱ndoo Ndioxi xiꞌin nda profeta nda ndi̱kaꞌan ndoso tuꞌun yuꞌu ra xinaꞌa, ya xaa súvi ra xaꞌa tuꞌun vaꞌa ya ndi̱kaꞌan ra xiꞌin nda ikán xaꞌa Jesucristo. Saa ta̱a nda ikán tuꞌun nuu tutu ya náni Tuꞌun Ií Ndioxi.

HEBREOS 3:7

Tá káꞌan Tachi I̱í Ndioxi nuu tuꞌun ra, káchi ya saa: “Tá tu xíni soꞌo ndo vitin ya káꞌan Ndioxi xiꞌin ndo,

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

2 Pedro 1:21

Saa chi tuꞌun ya ta̱a nda ndi̱kaꞌan ndoso tuꞌun yuꞌu Ndioxi, ta süvi xiní mií nda ndíkana ya ta̱a nda, mií Tachi I̱í Ndioxi kua si̱ndikaꞌán ini nda xiꞌin ndiꞌi ya ta̱a nda.

2 Pedro 3:2

Chi yeꞌe ta kúni i ná ndïndoso ini ndo xaꞌa tuꞌun ya ndi̱kaꞌan ndoso nda i̱í, nda ndi̱kaꞌan tuꞌun yuꞌu Ndioxi xinaꞌa. Ta saa ndïndoso tu ini ndo xaꞌa tuꞌun ya xa̱ꞌnda chiñu Tata yo Jesucristo ra síkaku yoo, ya ta̱xi ra ndaꞌa ndeꞌe ndi̱xika chiñu nuu ra si̱naꞌa nde.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.