San Lucas 1:7 - Xochapa Mixteco

⁷ Ta nda iin seꞌe na köo ndi̱xiyo chi yá núma ku yá síꞌi ra, yá Elisabet, saa xa ku̱naꞌnu ni na ta köo ndi̱kuvi koo seꞌe na.

San Lucas 1:7 Iomraidhean Croise

San Lucas 1:5

Tiempo ku̱u ra rey Herodes chiñu nuu ndiꞌi na xi̱ndikun ndaa chí estado Judea, ta ndi̱xiyo iin sutu náni Zacarías, ndíkaa ra xiꞌin iin tiꞌvi nda sutu, ta Abías náni tiꞌvi nda ikán. Ta yá síꞌi ra Zacarías ku yá náni Elisabet. Seꞌe sikua ra Aarón ndi̱xiyo yá.

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

San Lucas 1:8

Saa ku̱u ti̱ndaa kivi ya xaa chiñu tiꞌvi nda sutu nda ítaꞌan xiꞌin ra Zacarías, ikán nda chiñu veꞌe ñuꞌu kaꞌnu ñuu Jerusalén nuu Ndioxi.

ROMANOS 4:19

Ta siloꞌo xinu iin ciento kuiya ra Abraham, ta xíni ra köo ka ndee kúu mií ra ya koo seꞌe ra, saa tu yá síꞌi ra yá Sara va, xíni ra ya küchiñu ka kaku seꞌe yá xaꞌa ya kúu yá, yá núma. Vani xa ku̱ndaa ini ra ya köo ka ndee ra, xaꞌa ya xa ku̱chee ni ra. Vani saa káa ra ta ka̱ndixa ni ra Ndioxi xaꞌa tuꞌun ya ndi̱kaꞌan ra xiꞌin ra, ya xaa súvi ra tuꞌun ya ndi̱kaꞌan ra xiꞌin ra.

HEBREOS 11:11

Xaꞌa ya xi̱ndaa ni ini yá Sara xi̱ni yá Ndioxi yakan ku̱chiñu yá ka̱ku seꞌe yá, chi köo ndi̱kuvi koo seꞌe yá, yá numa ndi̱xiyo yá, ta ka̱ku seꞌe yá tá xa ku̱chee ni yá. Xaꞌa ya xi̱ndaa ni ini yá xi̱ni yá Ndioxi ya sixinu ra ya ndi̱kaꞌan ra xiꞌin yá, yakan vaꞌa ka̱ku seꞌe yá.