San Lucas 1:6 - Xochapa Mixteco

⁶ Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

San Lucas 1:6 Iomraidhean Croise

San Lucas 1:7

Ta nda iin seꞌe na köo ndi̱xiyo chi yá núma ku yá síꞌi ra, yá Elisabet, saa xa ku̱naꞌnu ni na ta köo ndi̱kuvi koo seꞌe na.

San Lucas 16:15

Saa ndi̱kaꞌan ra xiꞌin nda, káchi ra saa: ―Ndóꞌo̱ ta ndása vaꞌa ni ndo mií ndo nuu naꞌa. Sundi Ndioxi ta xíni vaꞌa ra nima ndo köo íyo ndaku ini ndo. Ndiꞌi ñaꞌa ya ndee ni ndáa yaꞌvi nuu ndo ñuu ivi yóꞌó ta köo ndáa yaꞌvi ya nuu Ndioxi, ya kúndasi nuu va ra ku ya ―káchi Jesús xiꞌin nda.

San Lucas 2:25

Ta tiempo ikán íyo iin ra náni Simeón ñuu Jerusalén, ta vaꞌa ni taa kúu mií ra, káñuꞌu ni ra Ndioxi, ta íyo Tachi I̱í Ndioxi xiꞌin ra. Saa ndátun ra taa, ra tiꞌvi Ndioxi kixi sindiko ini na Israel.

Los Hechos 2:25

Soꞌva ndo̱ꞌo ra ndi̱taku ra chi xa xinaꞌa vi ndi̱kaꞌan ra rey David xaꞌa Jesús, ya ndi̱kaꞌan ra xiꞌin Iva ra Ndioxi, káchi ra saa: Ndiꞌi saa kivi xíni i Iva i Ndioxi, íyo tuꞌva ra xiꞌin i ñaꞌñu kuáꞌá i ya chindee ra yeꞌe ya ná ku ïꞌvi i nuu ndá ka ñaꞌa.

Los Hechos 23:1

Saa ndi̱koto ra Pablo nuu ndiꞌi na xikuaꞌa ndóo ikán, ta ndi̱kaꞌan ra xiꞌin na, káchi ra saa: ―Na taꞌan yo, nda kivi vitin ta íyo vaꞌa ni va ya xínituni i nuu Ndioxi ―káchi ra xiꞌin na.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

Los Hechos 8:21

Ta yóꞌo̱ küvi kiꞌvi un xiꞌin nde xaa chiñu un nuu Ndioxi, chi köo íyo ndaku nima un nuu ra.

ROMANOS 8:4

Ndiꞌi ya yóꞌó i̱kan Ndioxi xaꞌa yo ya kuchiñu nduu yo naꞌa, na vaꞌa nuu ra, tá kuꞌva káꞌan ley ra. Ta vitin ndu̱u yo naꞌa, na köo íkan ka ndisaa ya kúni mií ikin kuñu yo, chi ndixa ndíkun yo ichí nuu xáa súvi yo ya vaꞌa, ya kúni Tachi I̱í Ndioxi.

1 Corintios 11:2

Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

Colosenses 1:22

xaꞌa ya ndi̱xiꞌi Cristo tá xi̱tikaa ndaa ikin kuñu ra ndaꞌa cruzin kua ndi̱kitaꞌan mani ndo xiꞌin Ndioxi. Saa nda̱sa i̱í Cristo ndóꞌo̱ nuu Ndioxi, ndu̱u ndo naꞌa, na vaꞌa, na köo yakua ka, na köo ka kuachi kúu mií nuu ra.

1 Tesalonicenses 3:13

Ta káꞌan ni nde xiꞌin Ndioxi ya ná chindee ra ndóꞌo̱ koo tuun ni tuꞌun ra nima ndo, saa nduu ndo naꞌa, na i̱í ni, na köo nda iin kuachi kúu mií nuu Iva yo Ndioxi. Ta saa kua koo ndúvi ndo, tá ná ndiko koo tuku Tata yo Jesucristo kixi ra xiꞌin ndiꞌi na ñuu ra, na i̱í.

2 Pedro 3:14

Xaꞌa ya ñaa kua, nani ndátun yo kuu saa, ñani mani, ta yáꞌa ni vi kuenta koo ndo xiꞌin mií ndo, täxi ndo kuyakua ndo xiꞌin kuachi, vií ni koo ndo xiꞌin Ndioxi.

1 Juan 2:29

Xa xíni yo Tata yo Jesucristo ku ra vaꞌa ni, ra ndaa ni ini, yakan ndiꞌi naꞌa, na íkan ya ndaa, ta na ñaa ku na kúu seꞌe Ndioxi.

1 Juan 2:3

Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 3:7

Na taꞌan yo, tá íin seꞌe i saa íin ndo, ta káꞌan i xiꞌin ndo täxi ndo sindaꞌvi naꞌa ndóꞌo̱. Chi na íkan ya ndaa ta na vaꞌa ku na, tá káa mií Tata yo Jesucristo ra vaꞌa ku ra.