San Lucas 1:59 - Xochapa Mixteco

⁵⁹ Saa ku̱u tá ti̱ndaa una kivi ka̱ku ra loꞌo seꞌe yá. Ta ndi̱kunuu tuni Ndioxi ra, chi saa íyo ley Ndioxi ya xáa súvi na Israel ñuu na. Tá chi̱nuu na tuni Ndioxi ra saa xa̱á káꞌan na veꞌe ra chinuu na kivi ra kunani ra tá náni iva ra, káchi na.

San Lucas 1:59 Iomraidhean Croise

San Lucas 2:21

Ndi̱xinu una kivi ka̱ku ra loꞌo ikán, ta saa chi̱nuu na tuni Ndioxi ra saa chi saa íyo ya ndi̱kaꞌan Ndioxi xinaꞌa. Ta chi̱nuu na kivi ra, náni ra Jesús, tá íyo ya ndi̱kaꞌan tatun Ndioxi xiꞌin yá María tá täꞌan kuñuꞌu seꞌe yá, saa íyo ya i̱kan na.

Los Hechos 7:8

Ta saa ki̱ndoo Ndioxi xiꞌin ra Abraham, ñaa xa̱ꞌnda chiñu ra nuu ra ya ná chinuu ra tuni Ndioxi seꞌe taa ra. Ta ya ikán kua kaꞌan xaꞌa ra xiꞌin ndiꞌi seꞌe sikua ra nda taa ya kúu nda seꞌe Ndioxi. Xaꞌa ya ikán kua, chi̱nuu ra tuni Ndioxi seꞌe ra tá ka̱ku ra, tá ndi̱xinu una kivi ka̱ku ra, saa ndikunuu tuni Ndioxi ra. Sindiꞌi tá ku̱chee ra Isaac ta ka̱ku seꞌe ra, saa i̱kan tu ra ikán va xiꞌin seꞌe ra, ra Jacob, saa i̱kan tu ra ikán va xiꞌin uxi uvi saa nda seꞌe ra, nda kúu raza yo judío.

Filipenses 3:5

Chi tá ndi̱xinu una kivi ka̱ku i ta chi̱nuu na tuni Ndioxi yeꞌe, xaꞌa ya kúu i ra ñuu Israel. Ta seꞌe sikua ra Benjamín ku i, saa tu iva siꞌí i, na hebreo ku uvi saa na, yakan saa tu yeꞌe va, yeꞌe hebreo ku i. Ta xa̱a súvi ni i ley Ndioxi ya si̱ndoo ra Moisés chi ra fariseo ndi̱xiyo i.