San Lucas 1:53 - Xochapa Mixteco

⁵³ Na ndaꞌvi, na xíꞌi soko ta ta̱xi ra kuaꞌa ni ya xíxi ndaꞌa na, ta na kuika si̱ndiko koo yuchi ra na kuaꞌan na.

San Lucas 1:53 Iomraidhean Croise

San Mateo 5:6

’Vaꞌa ni kée ndóꞌo̱ íin tá íin naꞌa, na káꞌun ini án ndóꞌo̱ íin tá íin naꞌa, na íchi tikuii. Xaꞌa ya kúni ndo ikan ndo ya vaꞌa nuu Ndioxi, chi vaxi kivi ta taxi Ndioxi ya koo vaꞌa ni ini ndo xiꞌin ra.

San Lucas 1:54

Ku̱ndaꞌvi ini ra xi̱ni ra yo Israel xáa chiñu nuu ra. Xaꞌa ya kúndaꞌvi ini ra xíni ra yoo kua ndi̱kaꞌán ini ra xaꞌa yo.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Lucas 6:24

’Sundi ndaꞌvi ni ndóꞌo̱ kuika, saa chi xa íyo ni ñaꞌa ndo ya kúsini ni ndo xiꞌin.

San Juan 6:35

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

1 Corintios 1:26

Ta xa xíni ndo ñani yo xiꞌin kuꞌva yo, ndikani ini ndo ndá kuꞌva ndi̱xiyo ndo tá täꞌan ka kana Ndioxi ndóꞌo̱. Süvi ndiꞌi ndo ndíchi ni ndi̱xiyo, ta ni köo ndi̱xinuu vaꞌa ni tuꞌun ndo ñuu ndo, ni köo ndi̱xiyo tu ndo seꞌe naꞌa, na ndee ni, ni saa va ta ka̱na Ndioxi ndóꞌo̱.

1 Corintios 4:8

Saa ndóꞌo̱ ndíkani ini ndo, xaa kúu mií ndo ndiꞌi ñaꞌa ya xíniñuꞌu ndo, ta xa ndu̱kuika ni ndo yakan ni köo xíniñuꞌu ka ndo ndeꞌe, túvi ndo. Ta vaꞌa ni va, tá tu xa ndu̱u ndo rey na xáꞌnda chiñu, ta nda ndeꞌe niꞌi loꞌo kaꞌnda chiñu nde xiꞌin va tu ndo.