San Lucas 1:49 - Xochapa Mixteco

⁴⁹ Chi Ndioxi ra Chee ni ku ra i̱kan ni ya vaꞌa xiꞌin i. Ta ndee ni i̱í kivi ra.

San Lucas 1:49 Iomraidhean Croise

San Marcos 5:13

Saa ta̱xi Jesús ichí ndaꞌa ya, ñaa si̱ndoo ya ra taa ikán, ta ndi̱xaa ya ndi̱kee ya ini kiti kini ikán. Ta kúu ri ikán uvi mil, ñaa iin xi̱nu ri ta si̱koyo ri mií ri taꞌvi ta ndi̱koyo ri ini nduta ñûꞌu. Ñaa ndi̱kaꞌan ndaa ri tikuii ta ndi̱xiꞌi ndiꞌi ri.

San Lucas 1:48

Vani ndaꞌvi ni va i ta ndi̱kaxin ra yeꞌe, ya xaa chiñu i nuu ra, chi tiempo vitin xiꞌin ndiꞌi saa ka tiempo ya vaxi ta chinuu vaꞌa naꞌa tuꞌun i, kaꞌan na xaꞌa i ya ndee ni vaꞌa kée i, kachi na xaꞌa i.

San Lucas 1:50

Ndiꞌi saa tiempo xáa kaꞌnu ini ra xaꞌa na ivi, na káñuꞌu ñaꞌa, íkan ra ya vaꞌa xiꞌin na íyo tiempo vitin tin ndiꞌi saa ka tiempo ya vaxi kundaꞌvi ini ra kuni ra na.

Efesios 3:20

Ta xiꞌin ndee mií Ndioxi ya íyo xiꞌin yo kua kuchiñu ikan ra ya chee ni xiꞌin yo, chi ndee ni ndee kúu mií ra ta yáꞌa ni ka va kuaꞌa ñaꞌa kuchiñu ra ikan ra nuu ya ndákan yo nuu ra án ya ndíkani ini yo xaꞌa.

El Apocalipsis 15:4

Ndiꞌi ni kúu naꞌa xíniñuꞌu na xaa toꞌo na yóꞌo̱ Tata Iva yo Ndioxi, Saa xíniñuꞌu na xaa kaꞌnu na yóꞌo̱, saa chi iin yóꞌo̱ ku ra i̱í ni. Ndiꞌi naꞌa na ki̱xi ndiꞌi ni kúu ñuu xa̱a na nuu un, ta xáa kaꞌnu na yóꞌo̱, chi ku̱ndaa ini na ya iin yóꞌo̱ ku ra ndaa ni, saa xáa nani un kuachi na xiꞌin nina ya ndaa Soꞌva káchi na xíta na nuu ndivi xi̱ni soꞌo i.

El Apocalipsis 4:8

Ta iin iin mií ya táku ikán íyo iñu ndixin iin iin ya. Ta ndiꞌi ni kúu ñaꞌñu ya íyo nina nduchi nuu, sata ya tin ini ya kúu mií ya nduchi nuu. Ta köo xíkuiin ya káꞌan ya, nduvi niuun káꞌan ya, káchi ya saa: ―¡Ra i̱í, ra i̱í, ra i̱í ni ku Ndioxi! ¡Taa ra ndixa ni ndee ku Ndioxi! Ndioxi ku ra táku nda kivi núnu̱ú, ta saa táku ra nda kivi vitin, saa kutaku ra ndiꞌi kivi ya vaxi, ―káchi kumi saa ya táku ikán, káꞌan ya xaꞌa Ndioxi.