San Lucas 1:48 - Xochapa Mixteco

⁴⁸ Vani ndaꞌvi ni va i ta ndi̱kaxin ra yeꞌe, ya xaa chiñu i nuu ra, chi tiempo vitin xiꞌin ndiꞌi saa ka tiempo ya vaxi ta chinuu vaꞌa naꞌa tuꞌun i, kaꞌan na xaꞌa i ya ndee ni vaꞌa kée i, kachi na xaꞌa i.

San Lucas 1:48 Iomraidhean Croise

San Lucas 1:28

Saa ndi̱xaa tatun Ndioxi ndi̱kiꞌvi ya ini veꞌe nuu ndíkaa yá María. Ta saa chi̱ndee ya yá, káchi ya saa: ―¡Kuáꞌa un yá loꞌo, vaxi i kaꞌan i xiꞌin un chi kúsini ni Ndioxi xíni ra yóꞌo̱, saa yóꞌo̱ kusini ni ka yóꞌo̱ nuu ndiꞌi kúu ná ñaꞌa! ―kachi tatun Ndioxi xiꞌin yá.

San Lucas 1:42

Saa ndi̱kaꞌan yá xiꞌin yá María, káchi yá saa: ―¡Vaꞌa ni ke̱e yóꞌo̱ nuu ndiꞌi ná ñaꞌa íyo ñuu ivi yóꞌó, ta vaꞌa ni ke̱e tu seꞌe un ya ndíkaa tixin va un!

San Lucas 1:45

¡Ta yóꞌo̱, vaꞌa ni kée un chi ka̱ndixa un tuꞌun ya ndi̱kaꞌan Ndioxi xiꞌin un, ta vitin ndátun un sixinu ra ya ndi̱kaꞌan ra xiꞌin un! ―káchi yá Elisabet xiꞌin yá María.

San Lucas 1:49

Chi Ndioxi ra Chee ni ku ra i̱kan ni ya vaꞌa xiꞌin i. Ta ndee ni i̱í kivi ra.

San Lucas 11:27

Saa ku̱u tá si̱ndiꞌi Jesús ndi̱kaꞌan ra ta iin ñaꞌa yá xi̱ni soꞌo tuꞌun ndi̱kaꞌan ra, ke̱ta yá tañu ndiꞌi na ndóo ikán, xa̱á yá káꞌan yá xiꞌin ra káchi yá saa: ―¡Vaꞌa ni kée nana un yá si̱kaku yóꞌo̱, saa si̱kuaꞌnu yá yóꞌo̱! ―káchi yá ikán xiꞌin ra.