San Lucas 1:43 - Xochapa Mixteco

⁴³ ¿Unku vi yeꞌe yakan vaxi un koto un yeꞌe, chi yóꞌo̱ ku siꞌí Iva i?

San Lucas 1:43 Iomraidhean Croise

San Mateo 12:46

Saa káꞌan ka Jesús xiꞌin na, ñaa ndi̱xaa siꞌí ra xiꞌin nda ñani ra. Ndíta na keꞌe ndátun na, chi kúni na kaꞌan na xiꞌin ra.

San Mateo 3:14

Ta köo ndi̱xiin ra Juan sikuchi ra Jesús, saa ndi̱kaꞌan ra xiꞌin ra: ―Kúni un sikuchi i yóꞌo̱, ta yóꞌo̱ ka ku un xíniñuꞌu sikuchi yeꞌe, ndikuu ―káchi ra Juan xiꞌin Jesús.

San Lucas 1:42

Saa ndi̱kaꞌan yá xiꞌin yá María, káchi yá saa: ―¡Vaꞌa ni ke̱e yóꞌo̱ nuu ndiꞌi ná ñaꞌa íyo ñuu ivi yóꞌó, ta vaꞌa ni ke̱e tu seꞌe un ya ndíkaa tixin va un!

San Lucas 1:44

Saa chi tá xi̱ni soꞌo i chi̱ndee un yeꞌe ta ku̱sini ka vi seꞌe i ndikun ndi̱kanda ya tixin i.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Lucas 7:7

Ta xaꞌa ya ñaa kua, köo ndi̱xaꞌa ndee ini i xaa i nuu un kaꞌan i xiꞌin un kixi un sindaꞌa un moso i. Sundi kándixa i yóꞌo̱ ya kúu mií un ndee sindaꞌa ñaꞌa un. Vaꞌa rá iin tuꞌun ná kaꞌan un ta nduvaꞌa moso i.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

Filipenses 2:3

Ndiꞌi ya íkan ndo, ta nda iin ya chïnuu vaꞌa ndo tuꞌun ndo xiꞌin, kütai ni ini ndo xaꞌa ya íkan ndo. Ni̱nu̱ xaa ndo mií ndo. Chinuu vaꞌa ni ndo tuꞌun na taꞌan ndo, tá íin naꞌa, na ndee ni ka ndáa yaꞌvi nuu ndo, saa ikan ndo xiꞌin na.

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.