San Lucas 1:42 - Xochapa Mixteco

⁴² Saa ndi̱kaꞌan yá xiꞌin yá María, káchi yá saa: ―¡Vaꞌa ni ke̱e yóꞌo̱ nuu ndiꞌi ná ñaꞌa íyo ñuu ivi yóꞌó, ta vaꞌa ni ke̱e tu seꞌe un ya ndíkaa tixin va un!

San Lucas 1:42 Iomraidhean Croise

San Lucas 1:28

Saa ndi̱xaa tatun Ndioxi ndi̱kiꞌvi ya ini veꞌe nuu ndíkaa yá María. Ta saa chi̱ndee ya yá, káchi ya saa: ―¡Kuáꞌa un yá loꞌo, vaxi i kaꞌan i xiꞌin un chi kúsini ni Ndioxi xíni ra yóꞌo̱, saa yóꞌo̱ kusini ni ka yóꞌo̱ nuu ndiꞌi kúu ná ñaꞌa! ―kachi tatun Ndioxi xiꞌin yá.

San Lucas 1:41

Tá xi̱ni soꞌo yá Elisabet chi̱ndee yá María ta ndikun ndi̱kanda ya loꞌo seꞌe yá tixin yá, ta saa si̱kutu Tachi I̱í Ndioxi ya vaꞌa yá xiꞌin ndee Ndioxi.

San Lucas 1:43

¿Unku vi yeꞌe yakan vaxi un koto un yeꞌe, chi yóꞌo̱ ku siꞌí Iva i?

San Lucas 1:48

Vani ndaꞌvi ni va i ta ndi̱kaxin ra yeꞌe, ya xaa chiñu i nuu ra, chi tiempo vitin xiꞌin ndiꞌi saa ka tiempo ya vaxi ta chinuu vaꞌa naꞌa tuꞌun i, kaꞌan na xaꞌa i ya ndee ni vaꞌa kée i, kachi na xaꞌa i.

San Lucas 19:38

Saa káꞌan na: ―Ná ikan Ndioxi ya vaꞌa xiꞌin ra yóꞌó, chi Rey ra kaꞌnu nuu yo ku ra, ra ke̱e nuu Ndioxi ku ra. Vitin taxi Ndioxi koo vaꞌa naꞌa xiꞌin ra nuu ndivi, ta ná kunuu sukun ni ya toꞌo ra ―káchi na.

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.