San Lucas 1:3 - Xochapa Mixteco

³ Ta saa tu yeꞌe va, kuekuee ndi̱nduku vaꞌa ndiꞌi i xaꞌa ya, ndá kuꞌva ndi̱xiyo ndiꞌi ya i̱kan ra xiꞌin ya si̱naꞌa ra kivi núnu̱ú, yakan kua tíꞌvi i tutu yóꞌó xaa ya nuu un ñani yo,

San Lucas 1:3 Iomraidhean Croise

San Lucas 1:1

Tata Teófilo, xa kuaꞌa ni va naꞌa ku̱ni ta̱a ikun ndiꞌi ya ndee ni ndaa i̱kan Tata yo Jesús tañu yo.

Los Hechos 1:1

Tata Teófilo, tutu yóꞌó ku ya uvi tíꞌvi i xaa ndaꞌa un. Ta nuu tutu ya ta̱a núnu̱ú i, nuu ya ikán kua ndi̱kaꞌan ndiꞌi i xiꞌin un xaꞌa ya i̱kan Jesús ñuu ivi yóꞌó xiꞌin ya si̱naꞌa ra tá sikan xaꞌa,

Los Hechos 11:4

Saa ndi̱kuiin ra xa̱á ra ndítuꞌun ndiꞌi ra xiꞌin na ndá kuꞌva ndi̱xiyo xaꞌa ya, saa káꞌan ra xiꞌin na, káchi ra saa:

Los Hechos 15:19

Saa ndi̱kaꞌan ka ra xiꞌin na, káchi ra saa: ―Xi̱ni soꞌo ndo unkua ndi̱kaꞌan Ndioxi xinaꞌa, ta saa tu yeꞌe va káꞌan i xiꞌin ndo: Köo xíniñuꞌu ka yo sindiꞌi yo ini na köo kúu judío, na ndíkundikun ichí Jesús.

Los Hechos 15:25

Xaꞌa ya ñaa kua ndi̱kitaꞌan nde ndi̱tuꞌun taꞌan nde xaꞌa ya ndi̱kaꞌan nda xiꞌin ndo. Ta ndi̱kani ini nde tiꞌvi nde sava nda taꞌan nde xaa nda xiꞌin ra Pablo tin ra Bernabé chi kúꞌvi ni ini nde xíni nde nda yóꞌó.

Los Hechos 15:28

Iin yuꞌu ku nde xiꞌin Tachi I̱í Ndioxi ya sïkuiso vee nde ndóꞌo̱ xiꞌin inka ka chiñu, ndisaa ya yóꞌó kua xíniñuꞌu ndo xaa súvi ndo:

Los Hechos 18:23

Saa ndi̱xiyo ra uvi ndaá kivi ñuu ikán. Ñaa ndi̱kiꞌin ra kuaꞌan ra iin iin ñuu ya ñúꞌu estado Galacia xiꞌin estado Frigia. Kuaꞌan ra káꞌan ka ra xiꞌin na ndíkun Jesús, chíndee ra na ya ná kandixa ka na Jesús.

Los Hechos 23:26

“Chíndee i yóꞌo̱ Tata Félix gobernador ra chee nuu nde, yeꞌe ku ra kúu Claudio Lisias, ta tíꞌvi i tutu yóꞌó xaa ya ndaꞌa un.

Los Hechos 24:3

Iyo vaꞌa ni ini nde xiꞌin un Tata, chi ndiꞌi ni kúu ñaꞌñu ta vaꞌa ni ndóo ivi. Yakan vaꞌa ni kúni nde xiꞌin un.

Los Hechos 26:25

Saa ndi̱kuiin ra Pablo káꞌan ra: ―Yóꞌo̱ Tata chiñu ra Festo, köo sána ini i, íyo vaꞌa va ini i. Ñúꞌu teꞌe ndiꞌi va ini i xaꞌa ya káꞌan i xiꞌin ndo, ya ndaa kua káꞌan i xaꞌa xiꞌin ndo.

1 Corintios 16:12

Ta ra ñani yo, ra Apolos, ta ndi̱kaꞌan ni i xiꞌin ra xaa ra xiꞌin nda ñani yo koto nda ndóꞌo̱, sundi köo ndi̱kuvi xaa ra nuu ndo vitin, ná koto ra saa xaa ra nuu ndo nda inka ichí.

1 Corintios 7:40

Sundi, vaꞌa ni ka va koo yá tá tu ná tïndaꞌa tuku yá. Soꞌva ndíkani ini yeꞌe, chi mií Tachi I̱í Ndioxi ku ya táxi ya ndíchi ndaꞌa i ndíkani ini i saa.

1 Timoteo 4:6

Tá sínaꞌa un tuꞌun ya ndaa yóꞌó nuu na ñani yo xiꞌin kuꞌva yo, na veꞌe ñuꞌu, saa kua koo un iin ra vaꞌa ni xáa chiñu nuu Tata yo Jesucristo. Saa chi tá íyo ya vaꞌa ni xíxi yo táxi ndee ndaꞌa yo, kuꞌva saa íyo tuꞌun Tata yo Jesucristo ya kándixa ni yo xiꞌin tuꞌun ra ya xa si̱kuaꞌa un.