San Lucas 1:29 - Xochapa Mixteco

²⁹ Saa tá xi̱ni yá tatun Ndioxi ta iin ndi̱kanda ini yá xaꞌa tuꞌun ya ndi̱kaꞌan ya xiꞌin yá, ñaa xa̱á xíka ni ini yá xaꞌa tuꞌun ikán.

San Lucas 1:29 Iomraidhean Croise

San Mateo 16:7

Saa xa̱á nda káꞌan xiꞌin taꞌan mií nda, káchi nda saa: ―Án sana xaꞌa ya köo xíta vaꞌa ndíso yo yakan káꞌan ra saa ―káchi nda.

San Lucas 1:12

Tá xi̱ni ra tatun Ndioxi ikán, ta ndi̱kanda ka vi ini ra saa ndi̱ndiꞌvi ni ra.

San Lucas 1:28

Saa ndi̱xaa tatun Ndioxi ndi̱kiꞌvi ya ini veꞌe nuu ndíkaa yá María. Ta saa chi̱ndee ya yá, káchi ya saa: ―¡Kuáꞌa un yá loꞌo, vaxi i kaꞌan i xiꞌin un chi kúsini ni Ndioxi xíni ra yóꞌo̱, saa yóꞌo̱ kusini ni ka yóꞌo̱ nuu ndiꞌi kúu ná ñaꞌa! ―kachi tatun Ndioxi xiꞌin yá.

San Lucas 1:66

Ta ndiꞌi na ku̱ndaa ini ya ndo̱ꞌo ra ndi̱ndakan tuꞌun taꞌan na, káchi na saa: ―¿Ndá chiñu kua kuu mií ra loꞌo yóꞌó nuu Ndioxi ná kuchee ra? ―káchi na. Chi tixin ra loꞌo ikán si̱naꞌa Ndioxi ndee ra nuu na.

San Lucas 2:19

Saa xíni soꞌo ndiꞌi yá María ya káꞌan nda, ta chívaꞌa ndiꞌi yá ya nima yá, ta xíka ka vi ini yá xaꞌa ya káꞌan nda xaꞌa ra loꞌo seꞌe yá.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

Los Hechos 10:17

Saa ndi̱kunduꞌu ra Pedro ndíꞌi ka vi ini ra unkua kúni kachi ya xi̱ni ra. Ndíkani ini ra índuꞌu ra, ta saa ndi̱xaa nda ti̱ꞌvi ra Cornelio mí ñuu Jope ikán. Saa ndi̱ndakan tuꞌun nda mií íyo veꞌe ra Simón, ta xa ndi̱xaa nda ndíta nda yeꞌe ra.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.