San Lucas 1:20 - Xochapa Mixteco

²⁰ Sundi yóꞌo̱ ta köo ndi̱kandixa un yeꞌe. Xaꞌa ya köo ndi̱kandixa un ya ndi̱kaꞌan i xiꞌin un, yakan kindoo meꞌme un vitin. Saa chi vaxi tiempo ta xinu ya ndi̱kaꞌan i xiꞌin un. Vitin ta küchiñu un kaꞌan un, nda ná tindaa kivi kaku ra loꞌo seꞌe un saa kuchiñu kaꞌan un ―káchi tatun Ndioxi xiꞌin ra.

San Lucas 1:20 Iomraidhean Croise

San Marcos 16:14

Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Marcos 9:19

Saa ndi̱kuiin ra, káꞌan ra xiꞌin nda: ―¿Ndachu tuun ni nima ndo köo kándixa ndo? ¿Án nda iin ya köo kúchiñu ndo ikán mií ndo? ¿Án ndiꞌi saa ichí koo i xiꞌin ndo káꞌan ndo? Taxi ndo ra loꞌo ñaa ná kixi ra chichoꞌo ―káchi ra xiꞌin nda.

San Lucas 1:19

Saa ndi̱kuiin tatun Ndioxi káchi ya saa: ―Yeꞌe Gabriel ku yeꞌe, ta ndiꞌi saa kivi ndíchi i nuu Ndioxi, íyo tuꞌva i kaka i chiñu nuu ra. Suvi ra ti̱ꞌvi yeꞌe vaxi i kaꞌan i tuꞌun vaꞌa yóꞌó xiꞌin un.

San Lucas 1:21

Ta saa ndóo ndiꞌi na ñuu ndátun ñaꞌa na keta ra, ta köo ra kéta, saa xa̱á ndíꞌi va ini na xaꞌa ra.

San Lucas 1:22

Sundi tá ke̱ta ra, ta ni köo ndi̱kuvi ka kaꞌan ra xiꞌin na. Saa ku̱ndaa ini na íyo ñaꞌa si̱tuvi Ndioxi nuu ra ini cuarto i̱í ikán. Ndá seña íkan ndaꞌa ra nuu na, köo ndi̱kuvi ka kaꞌan ra, ki̱ndoo meꞌme ra.

San Lucas 1:45

¡Ta yóꞌo̱, vaꞌa ni kée un chi ka̱ndixa un tuꞌun ya ndi̱kaꞌan Ndioxi xiꞌin un, ta vitin ndátun un sixinu ra ya ndi̱kaꞌan ra xiꞌin un! ―káchi yá Elisabet xiꞌin yá María.

San Lucas 1:64

Tá ta̱a soꞌva ra, ta saa xa̱a tuꞌun ra xa̱á ra káꞌan ra. Ta káꞌan ka vi ra ya vaꞌa xaꞌa Ndioxi.

ROMANOS 3:3

Vani sava na ikán ta köo ndi̱xiin na kuni soꞌo na ya ndi̱kaꞌan ra xiꞌin na, ta ni köo ndi̱xaa súvi na ya kúni Ndioxi, ta ¿án xaꞌa ya ikán kua ndiko koo ini Ndioxi xäa súvi ra ya ndi̱kaꞌan ra xiꞌin na?

2 Timoteo 2:13

Tá tu köo síxinu yo ya káꞌan yo, ta síxinu va mií ra ya káꞌan ra. Chi mií ra ta köo ndíko koo ini ra xaꞌa ya káꞌan ra.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

El Apocalipsis 3:19

Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.