San Juan 9:7 - Xochapa Mixteco

⁷ Saa ndi̱kaꞌan Jesús xiꞌin ra káchi ra saa: ―Kuáꞌan ndikata un nuu un ini ñaꞌa nuu ñúꞌu tikuii Siloé ―káchi ra. (Ta tuꞌun Siloé kúni kachi ya: Taa ra ti̱ꞌvi ra kuaꞌan.) Saa ke̱e ra ikán ndi̱xaꞌan ra ndi̱kata ra nuu ra, tá ndi̱ko koo ra ta xa ndi̱kuna nuu ra, vaꞌa xíto ra.

San Juan 9:7 Iomraidhean Croise

San Mateo 11:5

Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Lucas 13:4

Tá kúu na xaꞌun uni ndi̱xiꞌi tá ndi̱kava torre ya Siloé, ¿án kini ni ka na ikán nuu inka na ndóo ñuu Jerusalén túvi ndo?

San Lucas 2:32

Ta ra loꞌo yóꞌó, tá káa ñu̱ꞌu̱ yéꞌe̱ saa káa ra, chi sinaꞌa ra ichí un nuu ndiꞌi na ñuu na köo kúu Israel. Ta ra yóꞌó ku ra ndasa kaꞌnu ni kivi na Israel. ―káchi ra Simeón xiꞌin Ndioxi.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 11:37

Ta sava tuku na káꞌan, káchi na saa: ―¿Án süvi ra yóꞌó ku ra xu̱na nuu na kuáa̱, ta ndachu köo ndi̱chindee ñaꞌa ra ya ná küvi ra, ndikuu? ―káchi na.

San Juan 9:11

Saa ndi̱kuiin ra, káꞌan ra: ―Taa ra náni Jesús ku ra si̱kuaꞌa ndaꞌi ta ndi̱yakun ra ya nuu i, saa ndi̱kaꞌan ra xiꞌin i, káchi ra saa: “Kuáꞌan nuu ñúꞌu tikuii Siloé ndi̱kata un nuu un”, káchi ra xiꞌin i. Saa ke̱e i ndi̱xaꞌan i, tá ndi̱kata soꞌva i nuu i ta ndikun ndi̱xuna ya ―káchi ra xiꞌin na.

San Juan 9:39

Saa ndi̱kaꞌan Jesús, káchi ra saa: ―Xa̱a i ñuu ivi yóꞌó ya ta ya situvi i ini naꞌa ndá kuꞌva íyo ini na kua xa̱a i. Tá kúu na íkan ya väꞌa, ta tá iyo na kuáa̱ saa íin na, ta na ikán ku na xúna i nuu. Ta ivi na vaꞌa ni túvi na, ta na ikán ku na ndúkuaa, saa chi xaꞌa ya vaꞌa ni na túvi na, ta köo táxi na kuna i nuu na ―káchi Jesús.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.