San Juan 9:5 - Xochapa Mixteco

⁵ Kivi íyo i ñuu ivi yóꞌó, ta tá káa ñu̱ꞌu̱ yéꞌe̱ saa káa i nuu na ñuu ivi ―káchi Jesús xiꞌin nda.

San Juan 9:5 Iomraidhean Croise

San Mateo 4:16

Nda tá íin na ndóo nuu naá ni, saa íin na, tá káa ñuu ndíi saa káa nuu ndóo na. Sundi vitin ta ndee ni ndi̱yeꞌe nuu na xiꞌin nima na, káchi tuꞌun Ndioxi, ya ta̱a ra Isaías.

San Mateo 5:14

’Nda tá íin ñu̱ꞌu̱ ya ndítuun na, saa íin ndo nuu na ñuu ivi yóꞌó. Iin ñuu ya íyo nuu xiki sukun, ta küvi koo sěꞌe ya.

San Lucas 2:32

Ta ra loꞌo yóꞌó, tá káa ñu̱ꞌu̱ yéꞌe̱ saa káa ra, chi sinaꞌa ra ichí un nuu ndiꞌi na ñuu na köo kúu Israel. Ta ra yóꞌó ku ra ndasa kaꞌnu ni kivi na Israel. ―káchi ra Simeón xiꞌin Ndioxi.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

Los Hechos 13:47

Saa chi saa íyo ya ndi̱kaꞌan Tata yo, káchi ra saa: Tá íyo ñu̱ꞌu̱ yeꞌe, saa koo ndo ñuu ivi yoꞌo, nuu na köo kúu judío, chi sinaꞌa ndo na ndóo ndiꞌi saa kúu ñuu ivi ndá kuꞌva kuꞌun na ichí ya ndaa nuu kaku na, káchi Ndioxi ―káchi ra Pablo xiꞌin na.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

Los Hechos 26:23

Chi nda ikán ta ndi̱kaꞌan nda xaꞌa Cristo ra ndi̱kaxin Ndioxi sikaku yoo. Ndoꞌo ni ra kuvi ra sundi ra ikán ku ra núnu̱ú nditaku nuu ndiꞌi na ndíi. Ta kaꞌan ra xiꞌin na ndá kuꞌva kaku na. Tá íkan ñu̱ꞌu̱ ndíyeꞌe saa koo ra, chi kuna ra nuu ndiꞌi yo kúu judío xiꞌin na köo kúu judío ya kundaa ini yo xaꞌa tuꞌun Ndioxi ―káchi ra Pablo xiꞌin ra rey Agripa.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.

El Apocalipsis 21:23

Ta mií ñuu ikán ta köo xíniñuꞌu ya ñu̱ꞌù án yoó ya sindiyeꞌe ya ñuu, saa chi xa mií Ndioxi xiꞌin mií kiti Levo ikán ku ya luvi ni síndiyeꞌe mií ñuu i̱í ikán.