San Juan 9:4 - Xochapa Mixteco

⁴ Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.

San Juan 9:4 Iomraidhean Croise

San Mateo 20:7

Saa ndi̱kaꞌan na xiꞌin ra, káchi na: “Nda iin naꞌa köo ndúku ndeꞌe xaa chiñu nde xiꞌin na”, káchi na. Saa ndi̱kaꞌan ra xiꞌin na: “Vaꞌa kuꞌun tu ndóꞌo̱ va xaa chiñu ndo nuu ñuꞌú i, nuu íyo kiti uva i, ta saa chaꞌvi i ndóꞌo̱ tá yaꞌvi ndo”, káchi ra xiꞌin na.

San Marcos 3:3

Ñaa ndi̱kaꞌan Jesús xiꞌin ra ndi̱ndichi ndaꞌa ikán, káchi ra saa: Kuándikoo ndikundichi un maꞌñu ñaa ―káchi ra xiꞌin ra.

San Juan 10:32

Saa ndi̱kaꞌan Jesús xiꞌin nda, káchi ra saa: ―Kuaꞌa ni ya vaꞌa íkan i nuu ndo xiꞌin ndee Iva i Ndioxi. ¿Ta unku ndiꞌi ya ikán kúni ndo kaꞌni ndo yeꞌe xaꞌa? ―káchi ra xiꞌin nda.

San Juan 10:37

Tá tu süvi chiñu Ndioxi ku ya íkan i, ta vaꞌa kändixa ndo yeꞌe.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 17:4

’Ta chi̱nuu vaꞌa ni i ya toꞌo un nuu ndiꞌi na ñuu ivi, ta vitin si̱xinu ndiꞌi i chiñu ya ta̱xi un ndaꞌa i xaa súvi i.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Efesios 5:16

Yakan vaꞌa xaa nduxa ndo ya xaa súvi ndo ya kúni Ndioxi, chi kuaꞌa ni nuu ya väꞌa íyo ñuu ivi yóꞌó vitin.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.