San Juan 9:34 - Xochapa Mixteco

³⁴ Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

San Juan 9:34 Iomraidhean Croise

San Lucas 11:45

Ta saa ndi̱kuiin iin ra maestro ra sínaꞌa ley ya ta̱a ra Moisés, káchi ra saa: ―Tata Maestro, nda ndeꞌe kánaꞌa un xaꞌa xiꞌin tuꞌun ya káꞌan un xiꞌin nda fariseo yóꞌó ―káchi ra.

San Lucas 14:11

Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.

San Lucas 18:17

Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 8:41

Ndóꞌo̱, ta tá káa ya íkan iva ndo saa íin ya íkan ndo ―káchi Jesús xiꞌin na. Saa ndi̱kuiin na, káꞌan na: ―Ndeꞌe, ta süvi nde ndíkaku saka ku nde, iin va iva nde, Ndioxi ku iva nde ―káchi na xiꞌin Jesús.

San Juan 9:2

Saa ndi̱ndakan tuꞌun ñaꞌa nda ítaꞌan xiꞌin ra, káchi nda saa: ―Tata Maestro, ¿unku na kúu mií kuachi yakan ka̱ku kuáa̱ ra yóꞌó? ¿Án xaꞌa kuachi iva siꞌí ra kua, án xaꞌa kuachi mií ra kua? ―káchi nda.

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

San Juan 9:35

Ta xi̱ni soꞌo Jesús ya ta̱va ñaꞌa nda ini veꞌe ñuꞌu, saa tá ndi̱taꞌan ñaꞌa ra ta ndi̱kaꞌan ra xiꞌin ra, káchi ra saa: ―¿Án kándixa un ra kúu Seꞌe Ndioxi? ―káchi ra xiꞌin ra.

San Juan 9:40

Ta nda fariseo nda íyo xiꞌin Jesús, tá xi̱ni soꞌo nda ya ndi̱kaꞌan ra saa, ta ndi̱kaꞌan nda xiꞌin ra, káchi nda saa: ―¿Án nda ndeꞌe ku nde kuáa̱ túvi un? ―káchi nda xiꞌin ra.

1 Corintios 5:13

Mií Ndioxi ku ra xaa nani kuachi xiꞌin naꞌa, na köo xíni tuꞌun ra. Xaꞌa ya ñaa kua vaꞌa ka tava ndo ra ndíkaa xiꞌin ndo veꞌe ñuꞌu xaꞌa ya väꞌa kéꞌe ra.

Gálatas 2:15

Chi yo kúu judío ta nda tá ka̱ku vi yo íyo yo saa, ta köo ndi̱kaku yo tá kuꞌva káku naꞌa, na ndee ni ndee kuachi ndíso, soꞌva káꞌan yo xaꞌa naꞌa, na köo kúu judío.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

3 Juan 1:10

Xaꞌa ya ñaa kua kúni i kaꞌan i xiꞌin ra tá ná xaa i ñaa, saa chi väꞌa íkan ra xíka ra xiꞌin cuento vata xaꞌa nde. Ta süvi ndisaa ya yóꞌó kua íkan ra, chi nda na taꞌan yo na xáa veꞌe ra ta köo xíin ra ndikuiso vií ra na, tá ndá na kúni ndikuiso ñaꞌa, ta köo táxi ra ndikuiso ñaꞌa na, ta saa táxin ra na kána koo na veꞌe ñuꞌu.

3 Juan 1:9

Xa ta̱a i iin tutu kuaꞌan ndaꞌa na veꞌe ñuꞌu nuu íyo un, ta ra Diótrefes ku ra kútoo ni xaa kaꞌnu xiꞌin mií, chi köo xíin ra xaa súvi ra ya káꞌan nde xiꞌin ra.

El Apocalipsis 13:17

Ta naꞌa, na köo sello kúu mií, ta küchiñu na sata na ñaꞌa xíniñuꞌu na ta ni ku̱chiñu na xiko na. Ta sello ikán kua kúu kivi kiti núnu̱ú ikán, án número mií ri ìyo ni káa ikán kua.