San Juan 9:30 - Xochapa Mixteco

³⁰ Saa ndi̱kuiin ra káꞌan ra: ―Ndíkanda ini i xíto i nuu ndo, chi káꞌan ndo köo xíni ndo míí chí ke̱e ra, sundi yeꞌe ta si̱ndaꞌa ra yeꞌe, xu̱na ra nuu i.

San Juan 9:30 Iomraidhean Croise

San Mateo 11:5

Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Marcos 6:6

Ta ndi̱kanda ini ra xi̱ni ra na, chi tuun ni nima na, köo xíin na kandixa ñaꞌa na. Saa ndi̱xika ra ndiꞌi kúu ñuu vali ya íyo yati sínaꞌa ra tuꞌun Ndioxi.

San Lucas 7:22

Saa ndi̱kuiin ra ndi̱kaꞌan ra xiꞌin nda, káchi ra saa: ―Kuáꞌan ndo ndituꞌun ndo xiꞌin ra Juan ya xi̱ni ndo, xiꞌin ya xi̱ni soꞌo ndo. Kaꞌan ndo xiꞌin ra na kuáa̱ ta ndíkoto na íkan i, na küvi kaka ta ndíkaka na, na kúu mií kueꞌe lepra ya táꞌi ta ndúvaꞌa na íkan i, na sóꞌo ta xúna i soꞌo na, na ndíi ta sítaku i na. Saa ndítuꞌun i tuꞌun vaꞌa xaꞌa Ndioxi xiꞌin ndiꞌi na ndaꞌvi.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 3:10

Saa ndi̱kuiin Jesús, káꞌan ra: ―Maestro nuu na Israel ku un. ¿Ta ndachu köo kúndaa ini un xaꞌa ya káꞌan i xiꞌin un?

San Juan 9:29

Ndeꞌe ta xíni nde ya ndi̱kaꞌan Ndioxi xiꞌin ra Moisés, sundi ra ñaa, ta köo xíni nde xaꞌa ra míí chí ke̱e ra ―káchi nda xiꞌin ra.

San Juan 9:31

Kúndaa ini yo, Ndioxi ta köo xíni soꞌo ra ya káꞌan na íyo kuachi, sundi na káñuꞌu ni ñaꞌa ta xáa súvi na ya káꞌan ra, na ikán ku na xíni soꞌo ra káꞌan, tá káꞌan na xiꞌin ra.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.