San Juan 8:6 - Xochapa Mixteco

⁶ Káꞌan nda saa xiꞌin ra ya xíto ndoso ñaꞌa nda, ta saa kuchiñu nda taxi nda kuachi xaꞌa ra. Ta saa ndi̱kuita ndee Jesús nuu ñuꞌú, xa̱á ra táa ra xiꞌin nduku ndaꞌa ra.

San Juan 8:6 Iomraidhean Croise

San Mateo 10:16

Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 15:23

Ta nda iin tuꞌun köo ndi̱kuiin Jesús yuꞌu yá. Saa ku̱yati nda ítaꞌan xiꞌin ra xáku ndaꞌvi nda nuu ra, káchi nda saa: ―Tata, kaꞌan xiꞌin yá ná kuꞌun yá, saa chi ndee ni ndáꞌi yá vaxi yá sata yo ―káchi nda xiꞌin ra.

San Mateo 16:1

Saa ndi̱xaa nda fariseo xiꞌin nda saduceo nuu Jesús. Ndi̱xaa nda xíto ndoso nda ra, yakan káꞌan nda xiꞌin ra, ikan ra yatuꞌun kuni nda ya kundaa ini nda án ndixa ra ke̱e nuu Ndioxi ku ra.

San Mateo 19:3

Saa ndi̱xaa sava nda fariseo xíto ndoso nda ra, káchi nda saa: ―¿Tata, án vaꞌa kaꞌnda iin taa tutu xiꞌin yá síꞌi ra xaꞌa ndá ka kuachi vali soꞌva? ―káchi nda xiꞌin ra.

San Mateo 22:18

Saa ku̱ndaa ini Jesús ya kéꞌe nda ra, ñaa ndi̱kaꞌan ra xiꞌin nda, káchi ra saa: ―¡Ndóꞌo̱ uvi yuꞌu ku ndo! ¿Ndachu kéꞌe ndo yeꞌe?

San Mateo 22:35

Tá ndi̱xaa nda nuu ra, ta saa ndi̱kaꞌan iin ra xíni ni ley Ndioxi, ya kéꞌe ra Jesús, káchi ra saa:

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Marcos 10:2

Saa ku̱yati sava nda fariseo ndi̱xaa nda nuu ra ya xíto ndoso nda ra yakan kéꞌe ñaꞌa nda, káꞌan nda xiꞌin ra án kuchiñu sindoo iin taa yá síꞌi ra, káchi nda.

San Marcos 12:15

Ta xa ku̱ndaa va ini Jesús nda uvi yuꞌu ku nda, saa ndi̱kaꞌan ra xiꞌin nda, káchi ra saa: ―¿Ndachu kua xíto ndoso ndo yeꞌe? Taxi ndo iin xuꞌun kàà ná koto i nuu ya ―káchi ra xiꞌin nda.

San Marcos 3:2

Saa xínani ka vi nda fariseo Jesús án sindaꞌa ñaꞌa ra kivi i̱í ya ndíkundee na, chi tá ná ikan ra saa ta niꞌi nda ichí taxi nda kuachi xaꞌa ra.

San Marcos 8:11

Saa ndi̱xaa sava nda fariseo ta xa̱á nda kéꞌe nda Jesús, xíto ndoso ñaꞌa nda, káꞌan nda xiꞌin ra ya ná ikan ra yatuꞌun Ndioxi nuu nda, saa kundaa ini nda tá tu ndixa nuu Ndioxi ke̱e ra.

San Lucas 10:25

Ta saa ke̱e iin ra sínaꞌa ley Ndioxi ya ta̱a ra Moisés, kuaꞌan ra koto ndoso ra Jesús, ndi̱ndakan tuꞌun ñaꞌa ra, káchi ra saa: ―Tata Maestro, kúni i ndakan tuꞌun i yóꞌo̱, ¿unkua vaꞌa ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin ra.

San Lucas 11:16

Saa xa̱á káꞌan inka na xiꞌin Jesús, xíto ndoso ñaꞌa na ya ná ikan ra iin seña kuni na yatuꞌun Ndioxi ya vaxi nuu ndivi.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

1 Corintios 10:9

Ta ná köto ndoso yo Tata yo Jesucristo ya sitixuꞌvi ra yoo xaꞌa ya väꞌa íkan yo tá kuꞌva xi̱to ndoso sava xii sikua yo ra xinaꞌa, yakan ti̱in kiti ko̱ó na ta ndi̱xiꞌi na.