San Juan 8:48 - Xochapa Mixteco

⁴⁸ Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Juan 8:48 Iomraidhean Croise

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 10:5

Saa ti̱ꞌvi ra uxi uvi saa nda ikán kuaꞌan nda, ta ndi̱kaꞌan ra xiꞌin nda, káchi ra saa: ―Küꞌun ndo ñuu nuu ndóo naꞌa, na köo kúu judío, ni nda iin ñuu nuu ndóo na Samaria küꞌun ndo.

San Mateo 11:18

Tá kuꞌva íin na vali yóꞌó, saa íin ndo, saa chi ki̱xi ra Juan ta ni köo ndi̱xixi vaꞌa ra, ni vinu köo ndi̱xiꞌi ra, ta káꞌan ndo xaꞌa ra kúu mií ra tachi nduvaꞌa.

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 12:31

’Ta ndixa káꞌan i xiꞌin ndo, ndiꞌi kúu kuachi íkan naꞌa, án ya väꞌa káꞌan na, ta xaa kaꞌnu ini Ndioxi xaꞌa kuachi na. Sundi naꞌa, na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa kuachi na.

San Mateo 15:7

¡Ndóꞌo̱ uvi ini ku ndo! Ndaa ni ndixa ndi̱kaꞌan ndoso ra Isaías xaꞌa ndo tá ndi̱kaꞌan ra, káchi ra saa:

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.

San Juan 13:13

Ndóꞌo̱, ta káꞌan ndo xiꞌin i kúu i Maestro ta kúu i ra kaꞌnu nuu ndo, káchi ndo. Ta ya ndaa ndixa kua káꞌan ndo xiꞌin i, saa chi ikán ku i.

San Juan 4:9

Saa ndi̱kuiin yá káꞌan yá: ―¿Ndachu ndúku un tikuii nuu i koꞌo un, ta yóꞌo̱ judío ku un, ta yeꞌe yá Samaria ku i? ―káchi yá xiꞌin ra. Saa káꞌan yá xiꞌin ra saa chi na judío xiꞌin na Samaria ta köo ítaꞌan vaꞌa na xiꞌin taꞌan na.

San Juan 7:20

Saa ndi̱kuiin ndiꞌi na káꞌan na, káchi na saa: ―Tachi nduvaꞌa kúu mií un. ¿Unku na káꞌan kaꞌni yóꞌo̱ ra? ―káchi na xiꞌin ra.

San Juan 8:22

Saa ndi̱kaꞌan nda naꞌnu nuu na judío, káchi nda saa: ―¿Míí kuꞌun ra kua, án kaꞌni ra mií va ra, ndachu káꞌan ra küvi kuꞌun yo nuu kuꞌun ra? ―káchi nda.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

ROMANOS 15:3

Saa chi ni mií Jesucristo, ta köo ndi̱xika ini ra ndisaa xaꞌa mií ra. Tá káꞌan tuꞌun Ndioxi xaꞌa ra, káchi ya saa: “Naꞌa na kánaꞌa xaꞌa un, ta nda xaꞌa yeꞌe kánaꞌa na”, káchi tuꞌun Ndioxi xaꞌa Jesucristo.

HEBREOS 13:13

Saa tu yoo va, ná kundikun yo Jesucristo, ta ná kana koo yo kuꞌun yo xiꞌin ra nuu ñuu, ná kükaꞌán nuu yo ndoꞌo yo xaꞌa ra, tá kuꞌva ndo̱ꞌo ni mií ra.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.