San Juan 8:47 - Xochapa Mixteco

⁴⁷ Ndiꞌi na kúu kuenta Ndioxi ta xíni soꞌo na tuꞌun ra, ta ndóꞌo̱ ta süvi kuenta Ndioxi ku ndo, yakan köo xíin ndo kuni soꞌo ndo ya káꞌan i ―káchi Jesús xiꞌin na.

San Juan 8:47 Iomraidhean Croise

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 5:25

Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

San Juan 6:65

Saa ndi̱kaꞌan ka ra xiꞌin na, káchi ra saa: ―Xaꞌa ya yóꞌó kua ndi̱kaꞌan i xiꞌin ndo, nda iin naꞌa ta küvi kixi na kundikun na yeꞌe, tá tu süvi mií Iva i ku ra ndáka na vaxi na nuu i ―káchi ra xiꞌin na.

San Juan 8:37

Xa xíni i kúu ndo seꞌe sikua ra Abraham, sundi kúni ndo kaꞌni ndo yeꞌe xaꞌa ya köo kíndoo ini ndo xiꞌin tuꞌun káꞌan i xiꞌin ndo.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

San Juan 8:45

Sundi yeꞌe ta xaꞌa ya káꞌan i ya ndaa xiꞌin ndo yakan köo kándixa ndo yeꞌe.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.