San Juan 8:3 - Xochapa Mixteco

³ Saa kúu ta ndi̱xaa nda maestro nda sínaꞌa ley ya ta̱a ra Moisés xiꞌin nda fariseo, ndáka nda iin ñaꞌa yá ndi̱tuvi xiꞌin taa, ndi̱xaa nda xiꞌin yá nuu Jesús, ta ki̱ꞌin nda yá ka̱ndichi sava nda maꞌñu ndiꞌi na ikán.

San Juan 8:3 Iomraidhean Croise

San Mateo 2:4

Saa ku̱u nuu ndi̱kaya ndiꞌi ra rey Herodes nda naꞌnu nuu sutu, xiꞌin nda maestro nda sínaꞌa ya ta̱a ra Moisés, ta ndi̱ndakan tuꞌun ra nda mií kua kaku ra kúu Cristo, ra vaxi sikaku na ñuu ivi.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

San Juan 8:4

Saa ndi̱kaꞌan nda xiꞌin Jesús, káchi nda saa: ―Tata Maestro, yá yóꞌó ta ndi̱taꞌan nde yá ndíkaa yá xiꞌin taa, ta süvi ií yá ku ra.

San Juan 8:9

Saa tá xi̱ni soꞌo nda ya ndi̱kaꞌan ra xiꞌin nda, ñaa ku̱kaꞌan nuu nda, tá iin tá iin nda ka̱na koo kuaꞌan, xiꞌna nda chee ka̱na koo kuaꞌan, ta saa ndíkun nda kuvali kuaꞌan nda. Saa tá ka̱na koo ndiꞌi nda kuaꞌan nda, ta ndi̱ndoo siindaa mií yá ndíchi yá nuu Jesús.

San Juan 9:13

Saa ndáka na ra ndi̱xiyo kuáa̱ ikán ndi̱xaa ra xiꞌin na nuu nda fariseo.

Los Hechos 4:7

Ta saa xa̱ꞌnda na chiñu ya ná kuꞌun ra Pedro xiꞌin ra Juan nuu ndóo na. Ñaa tá ndi̱xaa nda ta ki̱ꞌin ñaꞌa na ka̱ndita na maꞌñu nuu ndóo na. Saa ndi̱ndakan tuꞌun na nda, káchi na saa: ―¿Unkua i̱kan ndo si̱ndaꞌa ndo ra yóꞌó ¿Ta unku na ta̱xi ndee tin ichí ndaꞌa ndo ya ikan ndo saa? ―káchi na xiꞌin ra Pedro tin ra Juan.

ROMANOS 7:3

Tá tu síndoo yá ií yá ta tíndaꞌa yá xiꞌin inka taa tá táku ií yá, ta kuakiꞌvi yá nuu kuachi, saa chi yáꞌa yá nuu ley ya ta̱a ra Moisés, ya káꞌan küvi koo yá xiꞌin inka taa tá táku ií yá. Tá xa ndi̱xiꞌi ií yá ta saa ndóo ndíka yá nuu ley ikán, ta nda saa kuchiñu tindaꞌa yá xiꞌin inka taa, ta köo kíꞌvi yá kuachi saa.