San Juan 8:25 - Xochapa Mixteco

²⁵ Saa ndi̱kaꞌan nda xiꞌin ra, káchi nda saa: ―Ta ¿unku yóꞌo̱ kua? ―káchi nda xiꞌin ra. Saa ndi̱kuiin ra káꞌan ra xiꞌin nda: ―Nda tá xaꞌa vi ndi̱kaꞌan i xiꞌin ndo unku i, ta ra ikán ku i.

San Juan 8:25 Iomraidhean Croise

San Lucas 22:67

―Kaꞌan xiꞌin nde, ¿án yóꞌo̱ ku Cristo, Ra ke̱e nuu Ndioxi? ―káchi nda xiꞌin ra. Saa ndi̱kuiin ra káꞌan ra: ―Tá ná kaꞌan i xiꞌin ndo ikán ku i kachi i, ta ni küaꞌa ndo kandixa ndo yeꞌe.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 1:22

―Tá tu saa, ta ¿unku yóꞌo̱?, saa chi ndeꞌe ta xíniñuꞌu nde kundaa ini nde, ta saa ndituꞌun nde xiꞌin na ti̱ꞌvi ndeꞌe vaxi nde. ¿Unkua káchi un xaꞌa un? ―káchi nda xiꞌin ra.

San Juan 10:24

Saa ndi̱kava nduu nda naꞌnu nuu na judío sata ra, ta ndi̱kaꞌan nda xiꞌin ra, káchi nda saa: ―¿Nda maa vi kua kundaa teꞌe ini nde, tá tu yóꞌo̱ ku Cristo? ta iin teteꞌe kaꞌan un xiꞌin nde ―káchi nda xiꞌin ra.

San Juan 19:9

Saa ndi̱ko koo tuku ra ini veꞌe chiñu, ta ndi̱kaꞌan ra xiꞌin Jesús, káchi ra saa: ―¿Míí chí ki̱xi un? ―káchi ra xiꞌin Jesús. Ta nda iin ya köo ndi̱kuiin Jesús.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.