San Juan 8:21 - Xochapa Mixteco

²¹ Saa ndi̱kaꞌan tuku Jesús xiꞌin nda, káchi ra saa: ―Yeꞌe ta kuꞌun i, ta saa ndinduku ni ndo yeꞌe ta nïꞌi ndo yeꞌe. Ta ndóꞌo̱ ta kuvi ndo xaꞌa kuachi ndo. Chi nuu kuꞌun i ta küvi kuꞌun ndo ―káchi ra xiꞌin nda.

San Juan 8:21 Iomraidhean Croise

San Mateo 23:39

Ta ndixa káꞌan i xiꞌin ndo, nda kivi vitin ta küni ka ndo yeꞌe, nda ná tindaa kivi ya kaꞌan ndo: “Chee ni ra xa̱a sikaku yoo, ra vaxi xiꞌin yuꞌu Iva yo Ndioxi ra íyo nuu ndivi ku ra”, kachi ndo xaꞌa i, nda saa kuni ndo yeꞌe ―káchi Jesús xiꞌin na.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Juan 12:33

Ndi̱kaꞌan ra saa xiꞌin na ya ndítuꞌun ra xiꞌin na ndá kuꞌva kua kuvi ra.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 7:34

Ta saa ndinduku ndo yeꞌe, ta küchiñu ndo niꞌi ndo yeꞌe, chi nuu kuꞌun i ta ndóꞌo̱ küchiñu ndo kuꞌun ndo ―káchi ra xiꞌin na.

San Juan 7:36

Ta unkua kúni kaꞌan ya ndi̱kaꞌan ra: “Nduku ndo yeꞌe ta nïꞌi ndo yeꞌe, ta nuu kuꞌun i ta küchiñu ndo kuꞌun ndo”, káchi ra ―káchi nda.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

Efesios 2:1

Ta ndóꞌo̱, tá yachi tá täꞌan kandixa ndo Jesucristo, ta tá íin naꞌa, na xa ndíi saa ndi̱xiyo ndo nuu Ndioxi xaꞌa kuachi ya väꞌa i̱kan ndo nuu ra.