San Juan 8:20 - Xochapa Mixteco

²⁰ Ndiꞌi tuꞌun yóꞌó ndi̱kaꞌan Jesús yeꞌe veꞌe ñuꞌu kaꞌnu. Ndi̱kaꞌan ra saa tá ndi̱xiyo ra yati nuu ndíchi ñaꞌa nuu táan na xuꞌun, ya sóko na nuu Ndioxi. Káꞌan ra saa ya sínaꞌa ra naꞌa. Ta nda iin nda köo ndi̱tiin ñaꞌa, chi täꞌan xinu koo kivi ya kundoꞌo ra saa.

San Juan 8:20 Iomraidhean Croise

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Mateo 27:6

Saa ndi̱kuiso nda sutu ndóso nuu sutu xuꞌun ikán, ta ndi̱kaꞌan nda, káchi nda saa: ―Küvi chivaꞌa yo xuꞌun yóꞌó nuu ndúvaꞌa xuꞌun sóko na veꞌe ñuꞌu. Saa chi ya cha̱ꞌvi yo kuvi iin ndìì kua ―káchi nda xiꞌin taꞌan nda.

San Marcos 12:41

Saa ku̱u iin ichí, índuꞌu koo Jesús yeꞌe veꞌe ñuꞌu kaꞌnu. Índuꞌu ra yati nuu íin caja nuu táan na xuꞌun sóko na nuu Ndioxi, ta xíto ra xáa na kuika táan na xuꞌun ini nu, kuaꞌa ka vi ya táan na.

San Marcos 12:43

Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, yá ndaꞌvi yóꞌó ta kuaꞌa ni ka xuꞌun ta̱an yá yóꞌó nuu ndiꞌi na kuika.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Lucas 21:1

Tá ndíkaa Jesús veꞌe ñuꞌu ta xíto ra yáꞌa naꞌa kuaꞌan na, táan na xuꞌun ini ñaꞌa nuu kée xuꞌun. Ta na kuika kuaꞌa ni xuꞌun táan na.

San Juan 10:39

Saa ku̱ni tuku nda tiin nda ra, ta köo ndi̱kuchiñu nda tiin nda ra, ndi̱saña ra ndaꞌa nda kuaꞌan ra.

San Juan 2:4

Saa ndi̱kuiin ra káꞌan ra: ―¿Nana, ndachu káꞌan un saa xiꞌin i? Ta täꞌan vi tindaa kivi ya xaa súvi i chiñu Ndioxi ―káchi ra xiꞌin yá.

San Juan 7:14

Tá xa kuaꞌan táꞌvi sava viko ikán, saa ndi̱xaa Jesús veꞌe ñuꞌu, saa xa̱á ra sínaꞌa ra.

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:44

Ku̱ni sava na tiin na ra, ta nda iin na köo ndi̱tiin ñaꞌa.

San Juan 7:8

Kuáꞌan mií ndo viko, küꞌun vi yeꞌe chi täꞌan tindaa kivi kuꞌun i ―káchi ra xiꞌin nda ñani ra.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.