San Juan 8:2 - Xochapa Mixteco

² Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

San Juan 8:2 Iomraidhean Croise

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Lucas 21:37

Ndiꞌi kivi sínaꞌa ra naꞌa. Nduvi sínaꞌa ra na ini veꞌe ñuꞌu kaꞌnu ñuu Jerusalén, ta ñûu kuaꞌan ra ndóo ra kíxi ra iku ya náni Olivo.

San Lucas 21:38

Ta naꞌa ni ndíkoo naꞌa kuaꞌan na veꞌe ñuꞌu kuni soꞌo na káꞌan Jesús.

San Lucas 4:20

Ta saa ndi̱kasi ra nuu tutu ikán, ta̱xi ra ya ndaꞌa ra ndíso chiñu xiꞌin veꞌe ñuꞌu sinagoga ikán. Saa ndi̱kunduꞌu ra ta iin kuaꞌan ini ndiꞌi ni kúu na ñúꞌu ini veꞌe ñuꞌu ikán xíto na nuu ra.

San Lucas 5:3

Saa ndi̱keta Jesús ini iin nu, ta barco ra Simón Pedro, ku nu. Saa ndu̱ku Jesús ya mani nuu ra ya sikutaꞌa loꞌo ka ra nu chí maꞌñu tikuii ya kuchiñu kaꞌan ra xiꞌin ndiꞌi na ndíta yuꞌu tikuii ikán. Ta saa si̱kutaꞌa ra nu. Ñaa ndi̱kunduꞌu Jesús ini nu xa̱á ra sínaꞌa ra.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 8:20

Ndiꞌi tuꞌun yóꞌó ndi̱kaꞌan Jesús yeꞌe veꞌe ñuꞌu kaꞌnu. Ndi̱kaꞌan ra saa tá ndi̱xiyo ra yati nuu ndíchi ñaꞌa nuu táan na xuꞌun, ya sóko na nuu Ndioxi. Káꞌan ra saa ya sínaꞌa ra naꞌa. Ta nda iin nda köo ndi̱tiin ñaꞌa, chi täꞌan xinu koo kivi ya kundoꞌo ra saa.

San Juan 8:3

Saa kúu ta ndi̱xaa nda maestro nda sínaꞌa ley ya ta̱a ra Moisés xiꞌin nda fariseo, ndáka nda iin ñaꞌa yá ndi̱tuvi xiꞌin taa, ndi̱xaa nda xiꞌin yá nuu Jesús, ta ki̱ꞌin nda yá ka̱ndichi sava nda maꞌñu ndiꞌi na ikán.

Los Hechos 5:21

Ñaa ke̱e nda kuaꞌan nda, ta ndi̱tuvi inka kivi xitaan, xa̱á nda sínaꞌa nda naꞌa keꞌe veꞌe ñuꞌu ikán. Ta ra sutu, ra ínuu nuu ndiꞌi sutu, ndi̱kaꞌan ra xiꞌin na xikuaꞌa na kúu mií chiñu nuu na Israel. Ka̱na ra na xa̱a na ndi̱kitaꞌan na koo junta. Ta saa xa̱ꞌnda ra sutu ikán chiñu nuu na policía ya kuꞌun na tava na nda veꞌe kàà.