San Juan 8:12 - Xochapa Mixteco

¹² Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 8:12 Iomraidhean Croise

San Mateo 5:14

’Nda tá íin ñu̱ꞌu̱ ya ndítuun na, saa íin ndo nuu na ñuu ivi yóꞌó. Iin ñuu ya íyo nuu xiki sukun, ta küvi koo sěꞌe ya.

San Lucas 2:32

Ta ra loꞌo yóꞌó, tá káa ñu̱ꞌu̱ yéꞌe̱ saa káa ra, chi sinaꞌa ra ichí un nuu ndiꞌi na ñuu na köo kúu Israel. Ta ra yóꞌó ku ra ndasa kaꞌnu ni kivi na Israel. ―káchi ra Simeón xiꞌin Ndioxi.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 12:36

Tá íyo ñu̱ꞌu̱ yóꞌó tañu ndo ta xíniñuꞌu ndo kandixa ndo ya, ta saa kuchiñu ndo nduu ndo na xíka nuu túun ñu̱ꞌu̱ ―káchi Jesús xiꞌin na. Tá sindiꞌi ndi̱kaꞌan ra tuꞌun ikán ta saa ke̱ta ra kuaꞌan ra tiseꞌe ra.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 3:19

Ta ya yóꞌó ku kuachi na ya síndiꞌi xaꞌa na, chi ki̱xi ñu̱ꞌu̱ ya ndituun ya nuu na, ta köo ndi̱xiin na ndikiꞌin na ya, ku̱too ni ka na xi̱ni na ya naá, chi ñaꞌa íkan na ta süvi ya vaꞌa kua.

San Juan 7:17

Tá ndá ndo chíkaa ini xaa súvi ya kúni Ndioxi, ta vaꞌa kundaa ini ndo xaꞌa ya sínaꞌa i, án ya vaxi nuu Ndioxi kua án ya xáa xiní mií i kua káꞌan i xiꞌin ndo.

San Juan 9:5

Kivi íyo i ñuu ivi yóꞌó, ta tá káa ñu̱ꞌu̱ yéꞌe̱ saa káa i nuu na ñuu ivi ―káchi Jesús xiꞌin nda.

Los Hechos 13:47

Saa chi saa íyo ya ndi̱kaꞌan Tata yo, káchi ra saa: Tá íyo ñu̱ꞌu̱ yeꞌe, saa koo ndo ñuu ivi yoꞌo, nuu na köo kúu judío, chi sinaꞌa ndo na ndóo ndiꞌi saa kúu ñuu ivi ndá kuꞌva kuꞌun na ichí ya ndaa nuu kaku na, káchi Ndioxi ―káchi ra Pablo xiꞌin na.

Los Hechos 26:23

Chi nda ikán ta ndi̱kaꞌan nda xaꞌa Cristo ra ndi̱kaxin Ndioxi sikaku yoo. Ndoꞌo ni ra kuvi ra sundi ra ikán ku ra núnu̱ú nditaku nuu ndiꞌi na ndíi. Ta kaꞌan ra xiꞌin na ndá kuꞌva kaku na. Tá íkan ñu̱ꞌu̱ ndíyeꞌe saa koo ra, chi kuna ra nuu ndiꞌi yo kúu judío xiꞌin na köo kúu judío ya kundaa ini yo xaꞌa tuꞌun Ndioxi ―káchi ra Pablo xiꞌin ra rey Agripa.

2 Pedro 2:17

Ta saa kundoꞌo nda sínaꞌa ya vata ikán, chi tá íin poso nuu ndi̱ndichi tikuii va saa íin nda, án tá íin viko ya ndíso ndisaa tachi va saa íin nda. Sundi Ndioxi ta xa chi̱tuni ra ya kuꞌun nda nuu naá ni, nuu ndee ni kundoꞌo nda.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

Judas 1:6

Ta ndikaꞌán tu ini ndo ya kundo̱ꞌo na tatun Ndioxi, na köo ndi̱xaa súvi chiñu ya xa̱ꞌnda chiñu Ndioxi nuu na, si̱ndoo ndaꞌa na chiñu vaꞌa ni ta̱xi ra ndaꞌa na xaa súvi na. Ta xaꞌa ya ikán kua ta̱an ra na veꞌe kàà nuu naá ni, núꞌni na, ta ikán kuñuꞌu na ndiꞌi saa kúu tiempo ya vaxi, ta kundátun na nda ná tindaa kivi nuu yáꞌa ni ndee kuu ya xaa nani Ndioxi kuachi xiꞌin ndiꞌi na ñuu ivi.

El Apocalipsis 21:24

Ta ndiꞌi na ndóo ñuu naꞌnu tin ñuu vali ñuu ivi yóꞌó kaka na nuu yéꞌe̱ mi ñuu ikán, saa xaa ndiꞌi nda rey ndi̱xiyo ñuu ivi yóꞌó nditaxi ndiꞌi nda ya kuika ku̱u mií na ndaꞌa na.