San Juan 7:6 - Xochapa Mixteco

⁶ Saa ndi̱kaꞌan Jesús xiꞌin nda, káchi ra saa: ―Täꞌan vi tindaa kivi kuꞌun i, sundi ndóꞌo̱ ta ndá kivi ndikuu ta ya vaꞌa ku ndiꞌi va ya nuu ndo.

San Juan 7:6 Iomraidhean Croise

San Mateo 26:18

Saa ndi̱kuiin ra, káꞌan ra xiꞌin nda, káchi ra saa: ―Kuáꞌan ndo ñuu Jerusalén ta ikán kuni ndo iin taa, ta kaꞌan ndo xiꞌin ra, kachi ndo saa: “Káꞌan ra Maestro, ya xa ti̱ndaa yati ni kivi nuu sixinu ra chiñu chee ni. Ta veꞌe un yóꞌó kua kúni ra kuxini ra viko pascua xiꞌin ndeꞌe ítaꞌan xiꞌin ra”, kachi ndo xiꞌin ra ―káchi Jesús xiꞌin nda.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 2:4

Saa ndi̱kuiin ra káꞌan ra: ―¿Nana, ndachu káꞌan un saa xiꞌin i? Ta täꞌan vi tindaa kivi ya xaa súvi i chiñu Ndioxi ―káchi ra xiꞌin yá.

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:8

Kuáꞌan mií ndo viko, küꞌun vi yeꞌe chi täꞌan tindaa kivi kuꞌun i ―káchi ra xiꞌin nda ñani ra.

San Juan 8:20

Ndiꞌi tuꞌun yóꞌó ndi̱kaꞌan Jesús yeꞌe veꞌe ñuꞌu kaꞌnu. Ndi̱kaꞌan ra saa tá ndi̱xiyo ra yati nuu ndíchi ñaꞌa nuu táan na xuꞌun, ya sóko na nuu Ndioxi. Káꞌan ra saa ya sínaꞌa ra naꞌa. Ta nda iin nda köo ndi̱tiin ñaꞌa, chi täꞌan xinu koo kivi ya kundoꞌo ra saa.

Los Hechos 1:7

Saa ndi̱kuiin ra káchi ra saa: ―Ndóꞌo̱ ta köo xíniñuꞌu ndo kundaa ini ndo maa án ndá kivi kua xaa súvi Iva i Ndioxi ya chi̱tuni ra ikan ra, iindaa mií ra xíni unkua íkan ra.