San Juan 7:39 - Xochapa Mixteco

³⁹ Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

San Juan 7:39 Iomraidhean Croise

San Mateo 16:14

Saa ndi̱kuiin nda ítaꞌan xiꞌin ra, káchi nda saa: ―Sava na káꞌan, ra Juan ra síkuchi naꞌa ku un, ta sava tuku na káꞌan, ra profeta Elías, án ra Jeremías ku un, án ndá ka inka nda profeta káꞌan tuꞌun yuꞌu Ndioxi ku un, káchi na xaꞌa un ―káchi nda xiꞌin ra.

San Mateo 21:11

Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Lucas 7:16

Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

San Juan 1:21

Saa ndi̱ndakan tuꞌun tuku ñaꞌa nda, káchi nda saa: ―¿Ta unku yóꞌo̱? ¿Án ra profeta Elías kúu un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra. ―¿Án iin ra profeta ndi̱kaꞌan ndoso tuꞌun yuꞌu Ndioxi xinaꞌa va ku un? ―káchi nda xiꞌin ra. Saa ndi̱kuiin ra káꞌan ra: ―Süvi i ―káchi ra xiꞌin nda.

San Juan 1:25

Ta saa ndi̱kaꞌan nda xiꞌin ra, káchi nda saa: ―Tá tu süvi Cristo kuu un, ta ni süvi ra Elías ku un, ta ni süvi ra profeta ku un, ¿ta ndachu síkuchi un naꞌa? ―káchi nda xiꞌin ra.

San Juan 1:33

Ta yeꞌe täꞌan kundaa ini i unku ra, sundi ra ti̱ꞌvi yeꞌe vaxi i sikuchi i naꞌa xiꞌin tikuii, ku ra ndi̱kaꞌan xiꞌin i káchi ra saa: “Tá xi̱ni un vaxi nùù Tachi i íyo ya xiꞌin iin ra, ta ra ñaa ku ra síkuchi naꞌa xiꞌin Tachi I̱í i”, káchi Ndioxi xiꞌin i.

San Juan 12:16

Ta nda ítaꞌan xiꞌin ra, ta köo ndi̱kundaa ini nda ya káꞌan tuꞌun ikán. Tá sindiꞌi nda̱a ra kuaꞌan ra nuu ndivi saa vi kua ndi̱kaꞌán ini nda ya ndo̱ꞌo ra, ta xa yachi vi íyo ya xaꞌa ra ya saa kundoꞌo ra káꞌan tuꞌun Ndioxi.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.

San Juan 14:13

Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 16:14

Ta chinuu sukun ni ya ya toꞌo i, saa chi ndituꞌun ya xiꞌin ndo xaꞌa ya kúu kuenta yeꞌe.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 17:1

Tá sindiꞌi Jesús ndi̱kaꞌan ra tuꞌun ikán, saa nda̱niꞌi nuu ra ndi̱koto ra nuu ndivi, ta saa ndi̱kaꞌan ra xiꞌin Ndioxi káchi ra saa: ―Tata Iva i Ndioxi, vitin ti̱ndaa kivi ya xaa kaꞌnu un yeꞌe kúu Seꞌe un, ta saa yeꞌe xaa kaꞌnu ni i yóꞌo̱.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 20:22

Tá ndi̱kaꞌan ra saa, ñaa ti̱vi ra tachi ra nuu nda, saa ndi̱kaꞌan ra xiꞌin nda, káchi ra saa: ―Ndikiꞌin ndo Tachi I̱í Iva i Ndioxi vitin.

San Juan 6:14

Saa tá xi̱ni na ikán yatuꞌun i̱kan Jesús, ta ndi̱kaꞌan na, káchi na saa: ―Ndixa ra yóꞌó ku ra káꞌan ndoso tuꞌun yuꞌu Ndioxi, mií ra chee ni, ra ndátun yo xaa ñuu ivi yóꞌó ku ra ―káchi na.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

San Juan 8:54

Saa ndi̱kuiin Jesús káꞌan ra: ―Tá ná chinuu vaꞌa i tuꞌun i, ta köo ndá yaꞌvi ya káꞌan i xaꞌa i. Sundi Iva i ra káꞌan ndo kúu Ndioxi ndo, ra ikán ku ra chínuu vaꞌa tuꞌun i.

Los Hechos 19:2

Saa ndi̱ndakan tuꞌun ra nda ikán, káchi ra saa: ―¿Án ndi̱kiꞌin ndo Tachi I̱í Ndioxi tá xa̱á kándixa ndo Jesús? ―káchi ra xiꞌin nda. Saa ndi̱kuiin nda káꞌan nda: ―Ni köo xíni nde án íyo Tachi I̱í Ndioxi ―káchi nda xiꞌin ra.

Los Hechos 2:17

Tá xa ku̱yati ndiꞌi xaꞌa ñuu ivi, ta tiꞌvi i Tachi i ya koo ya xiꞌin ndiꞌi saa kúu na ñuu ivi. Ta seꞌe taa ndo xiꞌin seꞌe síꞌi ndo, kaꞌan ndoso na tuꞌun yuꞌu i, Saa situvi ya nuu na kuâán ikan i. Ta na xikuaꞌa taxi i xani nuu na ndixani na.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

2 Corintios 3:8

Tá tu saa ndo̱ꞌo ley ikán, ta ndisaa ka vi luvi ni ka tuꞌun ra ya xa̱á ki̱ndoo Ndioxi xiꞌin yo vitin, yáꞌa ni ka luvi ya ta̱xi Tachi I̱í ra ndaꞌa yo ya koo ya xiꞌin yo.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.