San Juan 7:33 - Xochapa Mixteco

³³ Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

San Juan 7:33 Iomraidhean Croise

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 14:12

Ya ndaa káꞌan i xiꞌin ndo, na kándixa ya káꞌan i, ta kuchiñu tu na ikán va xaa súvi na taꞌan ya íkan i. Ta nda ndee ka koo chiñu ikan na, saa chi yeꞌe ta ndiko koo i kuꞌun i nuu Iva i.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 16:10

Saa chindee ya na kundaa ini na xaꞌa ichí ra ya kúu ya ichí ndaku. Saa chi yeꞌe ta ndiko koo i kuꞌun i nuu Iva i, ta ndóꞌo̱ ta küni ka ndo yeꞌe.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:5

Sundi vitin ta ndiko koo i kuꞌun i nuu ra ti̱ꞌvi yeꞌe vaxi i, ta nda iin ndo köo ndákan tuꞌun yeꞌe míí chí kuꞌun i.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:13

’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.