San Juan 7:20 - Xochapa Mixteco

²⁰ Saa ndi̱kuiin ndiꞌi na káꞌan na, káchi na saa: ―Tachi nduvaꞌa kúu mií un. ¿Unku na káꞌan kaꞌni yóꞌo̱ ra? ―káchi na xiꞌin ra.

San Juan 7:20 Iomraidhean Croise

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 9:34

Saa tu nda fariseo, nda xi̱ni ya ndu̱vaꞌa ra meꞌme ikán káchi nda saa: ―Xiꞌin ndee kiti nǎꞌa, kiti ínuu nuu ndiꞌi tachi nduvaꞌa va ta̱va ra tachi kúu mií ra yóꞌó ―káchi nda.

San Marcos 3:30

Tuꞌun yóꞌó ndi̱kaꞌan Jesús xiꞌin nda maestro ikán, chi káꞌan nda xaꞌa ra ya kúu mií ra tachi nduvaꞌa.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Juan 8:49

Saa ndi̱kuiin ra káꞌan ra: ―Köo tachi nduvaꞌa kúu mií i. Iva i Ndioxi va ku ra xáa toꞌo i yakan kánaꞌa ndo xaꞌa i.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

Los Hechos 26:24

Tá ndi̱kaꞌan ra Pablo tuꞌun ikán nuu ndíkuiin ra xaꞌa ra, ta saa ndi̱kuiin ra Festo ndee ka vi káꞌan ra, káchi ra saa: ―¡Pablo, yóꞌo̱ sána va ku un, xaꞌa ya ka̱ꞌvi ni un yakan kuaꞌan ndúkiꞌvi un! ―káchi ra xiꞌin ra.