San Juan 7:14 - Xochapa Mixteco

¹⁴ Tá xa kuaꞌan táꞌvi sava viko ikán, saa ndi̱xaa Jesús veꞌe ñuꞌu, saa xa̱á ra sínaꞌa ra.

San Juan 7:14 Iomraidhean Croise

San Mateo 21:12

Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱.

San Mateo 26:55

Saa ndi̱kaꞌan Jesús xiꞌin nda ikán, káchi ra saa: ―¿Án vaxi ndo xiꞌin ñaꞌa xiín xiꞌin carroti tiin ndo yeꞌe, tá kuꞌva íkan ndo xiꞌin na kuiꞌna, saa íkan ndo xiꞌin i? Ndiꞌi saa kivi ndi̱xiyo i si̱naꞌa i naꞌa veꞌe ñuꞌu kaꞌnu, ta köo ndi̱tiin ndo yeꞌe.

San Lucas 19:47

Ndiꞌi saa kivi ndi̱xika ra sínaꞌa ra ini veꞌe ñuꞌu ikán. Ta nda ínuu nuu ndiꞌi sutu xiꞌin na xikuaꞌa tin nda sínaꞌa ya ta̱a ra Moisés mi ñuu ikán, ndúku nda kuꞌva kaꞌni nda ra.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.

San Juan 5:14

Sindiꞌi ta ndi̱taꞌan Jesús ra ini veꞌe ñuꞌu, saa ndi̱kaꞌan ra xiꞌin ra: ―Koto un, vitin xa ndu̱vaꞌa un, ta ïkan ka un ndá ya ka ya väꞌa, saa chi koto ka ndoꞌo un ndá ka iin ya ndee vaꞌa ka ―káchi Jesús xiꞌin ra.

San Juan 7:2

Ta xa ku̱yati ni koo viko ya ndítava na judío nuu síkuaꞌa na veꞌe vixín ndóo na uvi ndaa kivi.

San Juan 7:28

Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 7:37

Tá ti̱ndaa kivi chee ni ya ndiꞌi viko ikán, ta saa ndi̱kundichi Jesús ta nda̱niꞌi ra tachi ra ta ndee ni ndi̱kaꞌan ra, káchi ra saa: ―Tá ndá ndóꞌo̱ íchi ini, ta vaꞌa kixi ndo nuu i ta taxi i tikuii koꞌo ndo.

San Juan 8:2

Ta xitaan, tá ndi̱tuvi inka kivi ndi̱ko koo ra yeꞌe veꞌe ñuꞌu. Saa ndi̱xaa iin tiꞌvi chee na ñuu nuu ra, saa índuꞌu koo ra sínaꞌa ra na.

San Juan 8:20

Ndiꞌi tuꞌun yóꞌó ndi̱kaꞌan Jesús yeꞌe veꞌe ñuꞌu kaꞌnu. Ndi̱kaꞌan ra saa tá ndi̱xiyo ra yati nuu ndíchi ñaꞌa nuu táan na xuꞌun, ya sóko na nuu Ndioxi. Káꞌan ra saa ya sínaꞌa ra naꞌa. Ta nda iin nda köo ndi̱tiin ñaꞌa, chi täꞌan xinu koo kivi ya kundoꞌo ra saa.