San Juan 7:1 - Xochapa Mixteco

¹ Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 7:1 Iomraidhean Croise

San Mateo 10:23

Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 21:38

Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda.

San Marcos 11:18

Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra.

San Juan 1:19

Soꞌva ndi̱kuiin ra Juan ra sínaꞌa naꞌa, tá ti̱ꞌvi nda naꞌnu nuu na judío na ndóo ñuu Jerusalén sava nda sutu xiꞌin sava nda levita, nda ndíso chiñu xiꞌin veꞌe ñuꞌu. Ti̱ꞌvi ñaꞌa nda kuaꞌan nda ndakan tuꞌun nda ra, káchi nda saa: ―¿Unku yóꞌo̱? ―káchi nda xiꞌin ra.

San Juan 4:3

Saa ke̱ta Jesús estado Judea ta ndiko koo tuku ra kuaꞌan ra chí estado Galilea.

San Juan 4:54

Ya yóꞌó ku yatuꞌun, ya uvi i̱kan Jesús, tá ndi̱ko koo ra ndi̱xaa estado Galilea tá sindiꞌi ndi̱xika ra estado Judea.

San Juan 6:1

Tá ndiꞌi ikán ta ndi̱kiꞌin Jesús kuaꞌan ra chí inka ñaꞌñu yuꞌu nduta ñûꞌu ya káꞌan na xiꞌin Galilea án Tiberias.

San Juan 7:11

Saa xa̱á nda chiñu nuu na judío ndúku nuu nda Jesús, káchi nda saa: ―¿Mií chí ndíkaa ra ikán? ―káchi nda.

San Juan 7:13

Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

San Juan 7:19

’¿Án süvi ya ndaa kua si̱ndoo ra Moisés ley Ndioxi ndaꞌa ndo?, ta nda iin ndo köo xáa súvi ya káꞌan ya. ¿Ndachu kúni ndo kaꞌni ndo yeꞌe? ―káchi Jesús xiꞌin nda.

San Juan 7:25

Ta sava na ñuu Jerusalén xa̱á na káꞌan na, káchi na saa: ―¿Án süvi ra yóꞌó ku ra ndúku na chiñu ya kaꞌni ñaꞌa na?

San Juan 7:35

Saa xa̱á nda judío ndákan tuꞌun taꞌan mií nda, káchi nda saa: ―¿Míí chí kuꞌun ra yakan káꞌan ra, küchiñu yo niꞌi ñaꞌa yo? ¿Án sana kuꞌun ra ñuu na griego nuu ndóo sava na taꞌan yo, ta kuꞌun ra sinaꞌa ra na griego ikán?

San Juan 8:37

Xa xíni i kúu ndo seꞌe sikua ra Abraham, sundi kúni ndo kaꞌni ndo yeꞌe xaꞌa ya köo kíndoo ini ndo xiꞌin tuꞌun káꞌan i xiꞌin ndo.

San Juan 8:40

Sundi ndóꞌo̱ ta kúni ndo kaꞌni ndo yeꞌe xaꞌa ya ndi̱tuꞌun i ya ndaa xiꞌin ndo, ya xi̱ni soꞌo i ndi̱kaꞌan Iva i. Chi ra Abraham ta nda iin ichí köo ndi̱kan ra tá kuꞌva íkan ndóꞌo̱.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.